Teknofiloen albistegia

Bai Euskarari Ziurtagiriaren Elkartea

Erabiltzailearen aurpegia

http://www.baieuskarari.eus

Erabiltzailearen jarduna

Euskara: baliatu beharreko aldagaia

Ekimen enpresarial bat garatzen ari den lagun bat beste proiektu batean murgiltzekotan da. Esperientzia duen arren, azken hilabeteotan hainbat formazio saio jaso du zenbait aholkularitza eta erakunderen aldetik, negozioa sortzeko garaian kontuan izan beharreko aholkuak eta gomendioak jaso dituelarik. Enpresa sortzeko garatu beharreko ideia, ekiteko eta sortzeko gaitasunak, proiektuaren izaera, merkatuaren azterketa, bideragarritasuna, legezko baldintzak... Kudeaketa arrakastatsurako oinarrizko printzipioak ere aztertu ditu, antolakuntzari, estrategiari eta plangintzari dagozkionak, komunikaziokoak eta pertsonen garapenari buruzkoak. Zerrenda luze horretan hizkuntzek zein leku duten edo izan beharko luketen galdetu nion,  horietan guztietan hizkuntzek nabarmen eragiten baitute eta, horrenbestez, kudeatu beharrekoak iruditzen baitzaizkit.

Hizkuntza irizpideak - Rober Gutiérrez

Aitortu beharrekoak dira ekimen enpresarialak abiatzeko ausardia duten ekintzaileak, era guztietako enpresak etengabe sustatzen, berritzen eta hobetzen diharduten emakume eta gizonak. Aberastasuna sortzen dute eta guztion ongizatean eragiten dute... Horien artean, gainera, bereziki nabarmentzeko modukoak iruditzen zaizkit hizkuntzaren aldagaiari, eta gainerako zehar lerroei ere, erreparatzen diotenak. Txapo! Horrelako praktika egoki eta eredugarri gehiago behar ditugu.

Ilusioa, elkarlana eta ibilbide profesionalek topo egin dute Enpresarean Azokan

130 pertsona inguru izan dira jardunaldian euren ilusio, ibilbide profesionalak eta ekintzailetza zein finantzazio ereduak partekatzen. Arin-arin saioan 13 parte hartzailek euren proiektuak aurkeztu dituzte; Kaixomaitia-ko Iñigo Arandiak irabazi du 2.000 euroko saria, ekintzailetasuna eta lurraldearekiko konpromisoa hobekien uztartzeagatik. Irabazleak Banaiz Bagara elkartearekin partekatu nahi izan du saria. Bai Euskarari Ziurtagiriaren Elkarteak etorkizuneko erronkei aurre egiteko eta ideiak partekatzeko foroa eskaintzearekin batera, euskaraz lan egiten duten enpresen eta profesionalen arteko sarea ehuntzeko konpromisoa hartu du.

Enpresarean Azoka: ekintzailetza, finantzazioa eta 2.000 euroko beka bat. Bazatoz?

Azaroaren 3an gingo da Hernanin euskaraz lan egiten duten enpresa eta profesionalen arteko topaketa, bi urtean behin antolatzen den Enpresarean Azoka. Hernaniko Orona-Ideo berrikuntza gunean egingo da topaketa. Ekintzailetza eta finantzazio eredu berriak, profesional esanguratusuak eta 2.000 euroko beka izango ditugu Enpresarean Azokaren hirugarren edizioan. Izen ematea zabalik dago www.enpresarean.eus atarian.

Enpresarean azoka ekintzailetzaz eta finantziazioaz hausnartzeko prest

Azaroaren 3an egingo da 2016ko Enpresarean Azoka Orona Ideoren egoitzan. Finantziazio era ekintzailetza aukerak eta krisiari aurre egiteko formula berriak izango dituzte hizpide aurtengo solasaldien parte hartzaileek. Bertan izango dira, besteak beste, ADEGI, BAC Mondragon edota Laboral Kutxako ordezkariak.

Laneki, Sorginen Museo eta Lezea eta Mikel Lezamizentzat #BaiEuskarariSariak

Bai Euskarari Ziurtagiriaren Elkarteak urteroko Bai Euskarari Sarien banaketa ekitaldia egin zen ostiralean Donostiako 2016 Gunean. Bertan izan ziren, besteak beste, Jorge Gimenez Hizkuntza Ikerketa eta Koordinaziorako Zuzendaria, Miren Azkarate Donostiako Euskara zinegotzia, Joseba Pérez de Heredia Arabako Foru Aldundiko Euskara zuzendaria, Javier Marcos Mondragon korporazioko Komunikazio arduraduna eta Ander Etxeberria Mondragoneko Euskara koordinatzailea. Urtero bezala, hiru sari eman ziren: Bai Euskarari Laguna saria Mikel Lezamiz Mondragoneko Hedapen Kooperatiboko arduradun eta euskara koordinatzaile izandakoak jaso zuen; Sorginen Museoa eta Lezea, eta Laneki izan ziren  ziurtagiridun sarituak. 2016an euskararen arloan eta gure hizkuntza sustatzeko helburuarekin egindako lana aitortu nahi izan die Bai Euskarari Ziurtagiriaren Elkarteak.

Umeen bizipenak euskaraz

Umeek laguntzen dute egunerokotasunari beste modu batez begiratzen, erronkak beste ikuspegi batzuetatik aztertzen. Aitortu behar dut gure seme-alabekin hala gertatzen zaidala eta egoera deigarriak eta errealitatearen gordina behin eta berriro paratzen dizkidatela begien aurrean. Hizkuntzari dagokionez, konturatzen zara urte hauetan urratsak egin direla euskararen bilakaera sozialean. Egia da, aurrerapenak hor daude. Hitz egin genezake politikez, plangintzez, baliabideez, erritmoez, erantzukizunez eta abarrez, baina egindakoa hor dago. Ikuspegi baikorrak eta ezkorrak nahasten dira eta, lorpenak lorpen, oraindik ere erronka handiak ditugu aurrera begira, eremu formal zein informaletan, ezagutza, erabilera eta motibazioari dagokienez.

Elkarlan ez lehiakorra

Asko hitz egiten da elkarlanaz eta, zenbaitetan, irudipena dut ez ote den bere jatorrizko esanahia galtzen ari, hitz fetitxe horietako bat bihurtzeko. 2012an “Elkarlan ez lehiakorra” kontzeptua entzun nion Julen Arexolaleibari Eralan topaketa batean. Bertan, Elkarlanaren paradigma izan daitekeena proposatu zuen, elkarlan eta lehia terminoak gurutzatuz. Horren arabera, lau aukera daude: lehiakorra ez den elkarlana, elkarlan lehiakorra, neutraltasuna eta fakzionalismoa. Enpresek elkarlan lehiakorra darabilte, eta ulergarria da askotan, baina aurrera egin nahi bada, lehiakorra ez den elkarlana sustatu beharko litzateke. Denok irabaztea izan beharko litzateke jomuga, agian ez % 100ean. Negoziazioaren eta kontsensuaren eredua litzateke onuragarriena.

Rober Gutiérrez: "Hiriak giltzarri dira euskara biziberritzeko, ikusteko dago udal legea izango ote den"

Udal Legea gaur argitaratuko du EAEko aldizkari ofizialak, eta bihar indarrean izango da. Udalek euskara lan hizkuntza izatea bermatuko du. Bai Euskarari Ziurtagiriaren Elkarteko zuzendari Rober Gutiérrezek legearen inguruan idatzi du.

Arabatik datoz albiste onak

Araba, berriz ere, kontuan izateko lurraldea da. Manex Agirrek Jakin aldizkarian (206) idatzitako artikuluan esaten zuen bezala, aldaketa handia eta ikusgarria izan da Arabakoa, euskararen aurrerabidean.

Euskaraz lan egin nahi duzu eta ez dakizu nondik hasi? Hemen dituzu 20 jarraibide

Bai Euskarari Ziurtagiria eskuratzeko dauden irizpideei jarraiki, euskararen erabilerari dagokionez egoki aritu nahi duten enpresek, saltokiek eta era guztietako entitateek egin beharreko bidea jaso du Ziurtagiriaren Elkarteak. Praktika egoki horietako 20 jarraibiderekin egin dugu poster hau, DESKARGATU, inprimatu eta lan-lekuan itsasteko.

Lurraldearen marka sendotzeaz

Azken egunotan topaketa pare batean parte hartzeko aukera izan dut. Bietan ariketa prospektibo bat egin da, [Arabako] lurraldearen etorkizuneko erronken inguruan hitz egiteko. Bata euskaraz izan da eta “euskara” gai zentrala izanik, hiri/ lurralde baten alor sozioekonomikoaren euskalduntzean eragitea bilatzen zuen. Bestea… bestea, gazteleraz izan da nagusiki, work coffeearen metodologiaren arabera antolatuta.

Alex Gibelalde: "Sare sozial bat helbururik gabe irekitzeak ez du zentzurik, eta enpresa gehienek hori egin dute"

Alex Gibelalde, Google eta Twitterren aritu da lanean, zuzendaritza postuetan. Sortu berri duen Boostit enpresa berriaz eta sare sozialetan enpresek eduki beharko luketen estrategiaz aritu gara berarekin. Urtarrilaren 19an Zamudion egingo dugun Enpresarean Foroan parte hartuko du Gibelaldek (eman izena).

Durangoko Azokako Kabi@n parte hartu nahi?

Durangoko Azokaren egitarau orokorraren barruan, aurten ere Kabi@ren ateak zabalduko dira abenduaren 5etik 8ra bitartean. Abenduaren 8ko egitaraua Ziurtagiriaren Elkarteari antolatzea egokitu zaio, Enpresarean proiektuaren bitartez. Ekitaldi ezberdinak izango dira bertan egunero eta abenduaren 8an, 11:00etatik 13:30ak arte, teknologia eta ikerketarekin harremana duten euskal enpresei irekia egongo da (proiektu berritzaileak aurkezteko, elkartzeko, praktika onak azaltzeko…).

Etorkizuneko erronkei aurre egiteko bideak irudikatu ditu Enpresareanek Kursaalen

Atzo, urriak 23, egin zen Donostiako Kursaal Jauregian Enpresarean jardunaldia. Guztira, 115 bat lagunek parte hartu zuten, 80 erakunde eta enpresa ordezkatuz. Rober Gutiérrez, Bai Euskarari Elkarteko zuzendariaren hitzetan, "helburuak bete dira eta etorkizunean gure enpresek izango dituzten erronkei aurre egiteko bideak irudikatu ditu Enpresareanek". Enpresarean 2014-72.jpg

Rober Gutiérrez, Bai Euskarariren zuzendaria: "Euskal Herriko enpresen etorkizuneko erronkak aztertuko ditugu Enpresarean azokan" (urriaren 23an)

Urriaren 23an egingo da Donostiako Kursaalen Enpresarean azoka eta dagoeneko prest dago jardunaldiaren egitaraua. Euskal Herriko enpresen etorkizuneko erronken gaineko hausnarketa irekia eta aberatsa egingo da, hainbat solasaldi eta aurkezpen arinetan. Azokaren gaineko azken xehetasunak eta nondik-norakoak azaldu dizkigu Rober Gutiérrez Bai Euskarari Ziurtagiriaren Elkarteko zuzendariak.

Enpresarean azokarako egitaraua prest. Izen-ematea zabalik

Urriaren 23an egingo dugu 2014ko Enpresarean azoka eta dagoeneko prest dago jardunaldiaren egitaraua. Euskal Herriko enpresen etorkizuneko erronken inguruan jardungo dugu eta hori izango da solasaldi nagusiko gaia. Gai horren bueltan, beste zenbait solasaldi, erakustaldi eta mahai-inguru egingo dira. Azokan parte hartzeko izen-ematea zabalik dago, bai bertaratzeko zein bakoitzaren enpresa, ideia edo negozioaren aurkezpen laburra egiteko ere (gehienez ere hiru minututan).

Enpresarean 2013: fast-dating

Joan den urriaren 31n Arrasateko Garaia Berrikuntza Gunea negozioak egiteko zentro bihurtu genuen. Euskaraz lan egiten duten edo-eta zerbitzuak eta produktuak euskaraz eskaintzen dituzten organizazioak elkarrekin bildu eta euren behar eta eskaintzen inguruan hitz egiteko. Xedea: proiektu enpresarial berriak sortzea.

Faszinantea

1992an erdaraz egiten genuen lana; orain ez dago dudan... Hartu bide hori, benetan faszinantea baita. Horrela amaitu zuen Antzuolako (Gipuzkoa) Elay enpresako Anaje Narbaizak bere hitzaldia, ekainaren 28an Bai Euskarari Sarien banaketa ekitaldian.

Aurrekoak ››

Publizitatea

Azken erantzunak

Erabiltzailearen aurpegia
.eus-ena http://www.referendum.eus da, https ga... (PanderetaZalea ||*||)
PuntCat Fundazioak errefere..., 2017-09-18
Erabiltzailearen aurpegia
Pasa den astean, Lakuan, Urruzuno lehiaketaren ... (Gari Berasaluze)
Agur soziala: gizonezkoari ..., 2017-09-12
Aaaaa! Bidaltzeko zerrenda egitean zuek sartzea... (fernando.morillo.grande)
"Sorginetxe istorioak", Fer..., 2017-09-07
Erabiltzailearen aurpegia
Eskerrik asko azalpenengatik, Txopi! (Sustatu.eus)
Software libreko lizentzia ..., 2017-08-10
Erabiltzailearen aurpegia
Kaixo: Artikuluaren lehen esaldiak hau dio: ... (Txopi)
Software libreko lizentzia ..., 2017-08-10

»» Jardun osoa