Teknologia albisteak

Bizkaiko hizkuntza aniztasuna eta euskararen balio integratzailea

Erabiltzailearen aurpegia
Sustatu
2021-10-13 : 16:27

Urriaren 21ean, Bilboko Euskararen Etxean antolatu da mahaingurua, Ondarearen Europako Jardunaldien baitan: “Bizkaiko hizkuntza aniztasuna eta euskararen balio integratzailea”. Urriaren 21ean da hitzordua, 19:00etatik aurrera.

Antolatzaileen ustez, "Bizkaian ditugun hizkuntza guztiak aberasten dute lurraldea, eta euskara Bizkaian dauden hizkuntza guztientzat aterpe eta zubi izan daiteke. Euskaratik eta euskaraz hizkuntza guztien balioa aitortu dezakegu”·

Aurtengo otsailean aurkeztu zuen Soziolinguistika Klusterrak egindako Bizkaiko hizkuntza aniztasunaren mapa. Azterketa horretakoa da itsatsi dugun irudia. Bizkaian, euskara eta gaztelania alde batera utzita, hiztun gehien dituzten hamar hizkuntzek 1.400 hiztun baino gehiago dauzkate.

Batuketak gorabehera, hizkuntza soil gisa identifikatu ditzakegunen artean, 25.697 biztanlek dute galiziera jatorri hizkuntza gisa; errumanieraz hitz egiten dutenak 11.119 dira eta katalana 7.018 biztanlek. Magrebetik etorritako bizkaitarren artean Arabiera eta Tamazight jatorri hizkuntza gisa daukate 13.435 pertsonek (baina batuketa egitea akaso ez da oso egokia kasu honetan).

Mahainguruan hitz egingo dute:

  • Amelia Barquín, Filologia Erromanikoan doktorea eta HUHEZIn lan egiten duena (Humanitateak eta Hezkuntza Zientzien Fakultatea, Mondragon Unibertsitatea). Kulturartekotasuna izango da Barquinen gaia: “Zer eskatzen dio kulturartekotasunaren ulerkera serio batek euskarari? Nola uztartzen dira? Kulturartekotasuna askotan anitza denera mugatzen da, baina zuzena da?”.
  • Xabier Aierdi, soziologian doktorea eta EHUn irakasle ia berrogei urtez. Egun, jubilatua eta Begirune Fundazioaren presidentea. Bere gaia: “Bizkaiko hizkuntza aniztasunaren mapen inguruan arituko da, iaz eginiko azterketa soziolinguistikoan oinarrituta”.
  • Julen Zabalo Bilbao, UPV/EHUko irakaslea Soziologia eta Gizarte Langintza sailean. Zabalori planteatu zaiona: “Gure gaur egungo gizartean bete lezake euskarak gizarte-kohesioaren funtzioa? Zeintzuk dira
    aukerak eta mugak? Non bukatzen da erretorika eta non hasi erronka?”

Erantzun

Twitter ikonoa  Facebook ikonoa  Sartu