Topalabe taldearen hausnarketak, eremu digitalaz apunte batzuk

Topalabe taldeak uste du euskararen normalizazioan jauzi sendo bat egiteko garaia dela, eta jauzi horretarako lehentasunezko eremuak bi direla:

• Lan mundua
• Eremu ez formala.

Esparru ez formalean, gazteekin lotu beharraz hausnarketak ageri dira dokumentuan: "Eta  zer  lortu  behar  genuke  haur  eta  gazte  horiekin  eskola    orduetatik    kanpo?    Euskararen    eskaintza,    erabilera  eta  kontsumoa  lehenestea,  orokortzea,  eta  defektuz  euskaraz  izatea  esparru  guztietan  EAEn  eta  Nafarroako  iparraldean;  eta  nabarmen  biderkatzea  Ipar  Euskal Herrian eta Nafarroako beste eremuetan ikasleen ezagutza  mailaren  arabera.  Planteatzen  duguna,  beraz,  ez  da  hasitako  bidean  urrats  batzuk  gehiago  egitea,  baizik eta haur eta gazteentzako eskaintza eta erabilera esponentzialki  biderkatzea  aisialdian,  eremu  digitalean,  kulturan eta familian".

Dokumentua, tamalez, euskalgintzan ohikoa den bezala, PDF formatu maketatu erabilkaitzean baizik ez dute zabaldu, "bi bertsiotan" dioten arren, "pantailarakoa" ustez dena aldizkari formatuko PDF bat besterik ez da, inongo pantailatan ikusteko oso desatsegina. Bestea, "inprimatzekoa", inprimatuz gero erabilgarrixeagoa.

Bertatik zerbait azpiarratu nahi izan dugu, Sustaturen ildoarekin lotura duelako, eremu digialari buruz esaten direnak, Kike Amonarrizek sinatutako azterketa propioan:

Eremu digitala eta ikus-entzunezko eskaintza

Datu  guztiek  adierazten  digute,  praktikan,  gero  eta  adin  goiztiarragoetatik  hasita,  haur  eta  gazte  guztiek  darabiltzatela  egunero  sare  sozialak  eta  Internet,  eta  gero  eta  masiboagoa dela ikus-entzunezkoen kontsumoa ohizko hedabideetatik kanpo. Erronka digitalari aurre egitekotan, inbertsio handiak beharko dira, orain arte jorratutako bidean jauzi kualitatiboa emanez eta haur eta gazteentzako euskarazko eskaintza guztiz lehenetsiz:

• Haur  eta  gazteentzako  ikus-entzunezko  edukiak  lehenetsi,  nabarmen  ugaldu  eta  sustatu.
• EITBn haur eta gazteentzako eskaintza euskara hutsez ekoitzi eta eskaintza biderkatu.
• Aisialdirako eduki digitalen eskaintza handitu, eta sistematikoki gaurkotu.
• Wikipedian euskarak duen posizioari eutsi, edukiak osatuz eta eguneratzen jarraituz.
• Sare sozialetako euskararen erabilgarritasuna bermatu.
• Euskarazko kontsumoa sustatzeko egitasmoak