Urteroko legeari jarraituz, aurten ere hementxe dituzue 2010. urtean zehar webgunean izan ditugun bisiten estatistikak. Aurten ere zenbaki politak izan ditugu eta inoiz baino Sustatuzale gehiago izan dugu 2010. urtean gure artean: 619.510 bisitaldi, aurreko urtean baino %22,57 gehiago. Eskerrik asko guztioi!
Hauexek dira azken urtean izan ditugun zenbaki orokorrak (aurreko urteetakoak ikusteko: 2005, 2006, 2007, 2009).
Sustatura heltzeko bideak:
Harpidetzak
Sare sozialen eragina
Aurreko puntuetan ikusi denez, azpimarratzekoa da sare sozialen eragina. Oraindik ere ez dira trafiko-iturri nagusiak webgunean, baina:
Hauexek dira 2010ean gehien irakurri diren albisteak.
Nabigatzailea euskaraz konfiguratuta daukaten erabiltzaileen kopurua ere neurtzen dugu urtero. 2005. urteaz geroztik igoera sumatu izan dugu urtero, baina 2010ean ez. Sustatuzaleen %46ak bakarrik dauka euskaraz konfiguratuta bere nabigatzailea.
Goranzko bidea geratu egin da eta adierazgarria da oraindik erabiltzaileen erdiak baino gehiagok erdaraz izatea konfiguratuta nabigatzailea. Nabigatu euskaraz!!!
Badakizu, informazio gehiago Nabigatzailea euskaraz webgunean.
Erabiltzaileek darabilten nabigatzaileari dagokionez, aipagarria da Firefoxek lehen aldiz beherantz egin duela (gutxi). Explorerren beherakada askoz nabarmenagoa da (eta urtez urte gehiago). Aipatzekoa da Chromek indartzen jarraitzen duela eta Safarik 2010ean izan duen igoera (ikus Europa osoko datuak):
Erabilitako plataformei dagokienez, 2009an nabaritutako joerak jarraitu du 2010. urtean ere: Windows sendo (%78), Mac goraka (%11tik %13ra) eta Linux beheraka (%8,4tik %7ra).
Pantaila bereizmena
Oharra: Artikulu honetako datuak Analytics sistemarekin lortu ditugu. Sustaturen estatistika publikoak Statcounterren aurkituko dituzu. Statcounterrek beti "puzten" ditu apur bat bisitarien datuak.
Zorionak. Krisiak krisi, sustatu goraka doa.
Ea 2011 honetan ere bide berari eusten diozuen.