Teknofiloen albistegia

Gazteaukera

Erabiltzailearen aurpegia

Euskadiko gazteentzako ataria. Hainbat alorretako informazioa eta zerbitzuak. Portal para jóvenes de Euskadi con información sobre diversos temas y servicios.

Erabiltzailearen jarduna

"Auzolandegiak 2018" programaren kartel lehiaketa

2018-02-08 : 12:31

Auzolandegiak programarekin bat datorren kartel bat egiteko ideiaren bat baduzu, teknika ezberdinez balia zaitezke; argazkiak, marrazkiak, colageak etb. Irudiarekin batera, gazteak programan parte hartzera animatzeko aproposa den lelo bat ere bidali behar diguzu. Epaimahaikideek lanen originaltasuna eta programekin duten lotura kontutan hartuko dute kartela aukeratzeko orduan. Lanak aurkezteko epea: 2018ko urtarrilaren 26tik otsailaren 20ra bitartean (bi egunak barne).

100 gaztek elkarlanean lankidetzaren inguruko dokumentala egingo dute

2016-05-04 : 09:59

Aurten Euskadiko Gazteak Lankidetzan 2016 programan parte hartzen duten 100 gazteek, beraien lankidetza esperientziak, dokumental batean biltzeko aukera izango dute.  Horretarako, taldeka grabatuko dituzte bideo laburrak beraien mugikorrekin, Asia, Afrika eta Hego Amerikan. Ander Bolibar, Garabide elkarteko hizkuntza lankidetza teknikaria eta HUHEZIko irakaslea, gazteen bidelagun eta gidari izango dute proiektu honetan eta gazteek grabaturiko piezak lotu eta josteko ardura izango du.

8 gazte Rio de Janeiroko Joko Olinpiko eta Paralinpikoetan arituko dira blogari, Basque Team eta Gazteaukera atarientzat

2016-03-18 : 10:51

Basque Team Fundazioak Gazteaukera atariarekin batera zortzi blogari gazte aukeratu ditu, Rio de Janeiron jokatuko diren Joko Olinpiko eta Paralinpikoei buruzko euren bizipenak eta iritziak zuzen-zuzenean konta ditzaten. Lau mutil eta lau neska hauek ‘Gazte Olimpic Team Rio’ lehiaketan parte hartu duten hirurogeita hamar lagunen artean aukeratu dituzte, eta sari honi esker, kirol probak ikusi eta Euskadiko kirolariekin egoteko aukera izango dute, blog eta sare sozialen bitartez euren ikuspuntu partikularra plazaratzeko asmoz.

Gazteaukera atariak eta Basque Team-ek 2016ko Rioko Olinpiar eta Paralinpiar Jokoetara joateko aukera emango diete 8 gazte blogariri

2015-10-17 : 11:33

Gazte Olimpic Team taldeko 8 kideetako bat izan nahi duzu eta Rioko Joko Olinpiko edo Paralinpikoetarako txartela eskuratu? Blogari izateko prest zaude? 2015eko urriaren 15ean  hasi eta abenduaren 15a  bitartean abian izango den lehiaketan parte hartzea baino ez duzu!

Dave Bieter: "Oskorrik bere abestietako batean dioen bezala euskara da euskaldun egiten gaituena"

2015-08-01 : 09:50

Dave Bieter Boise hiriko alkatea da, hiriburuan izan den lehen alkate euskalduna, hain zuzen. 2003ko hauteskundeetan hartu zuen agintea eta orduz geroztik beste bi legealditan hautatu dute (2007an eta 2011an). Gazteaukerako blogariek berarekin solasteko aukera izan dute.

Abian da GOazen Boisera!, blogari gazteentzako lehiaketa

2015-05-08 : 08:32

Estatu Batuetako euskal diaspora ezagutu nahi zenuke uda honetan? Zer dakizu jatorri euskalduna duten gazteen inguruan? Eta Jaialdi deritzon Euskal jaiari buruz? Komunikatzaile trebea zara eta prest zeundeke astebetez blogari lanetan aritzeko Boisen (Idaho) gastuak ordaindurik?

 

Ukelelearen euskal ordezkaria

2015-05-02 : 10:09

Izaskun Canga bilbotar gazteak Psikologia ikasi zuen Erromako “Sapienza” unibertsitatean. Baina badu beste zaletasun berezi bat ere, Ukelelea.

GazteBizHitza: Ikasketak, Lana eta Etxebizitza atari bakarrean

2015-04-03 : 10:17

Zenbait hilabetez frogetan ibili ostean Eusko Jaurlaritzako Gazteria eta Kirol Zuzendaritzak GazteBizHitza ataria abian du. Interneteko atari honetan Ikasketak, Lana eta Etxebizitzaren inguruko informazio ugari dago gazteentzat; besteak beste, kalitatezko edukiak, bideotutorialak, infografiak, FAQ-ak eta alertak aurki daitezke.

#Faceguk, 24 orduz buruari bueltaka

2014-05-16 : 12:55

Koldo D. Bizkarguenaga Bilboko San Inazioa auzoko gaztea 2009an lizentziatu zen soziologian. Segituan hasi zen testian lanean buru-belarri, buruan zeukan ideia bat ikertzen. Euskal nortasunaren eraikuntzan Internetek eta batez ere Facebookek duen eragina gazteengan aztertu ditu bere tesian.

 

2

Hella Basque, euskal diasporaren erakuslehioa

2014-05-05 : 11:31

Anne Marie Chiramberro euskal- amerikar gazte bat da,sortzez San Frantziskokoa, Kaliforniarra hain zuzen. Bere Hella Basque blogean egungo euskal diasporaren gaineko hainbat bizipenen aurkezten ditu, ikuspuntu bizi, gazte eta pertsonal betetik. Lotura estua mantentzen du Estatu Batuetako euskal komunitatearekin eta hainbat aldiz izan da Euskal Herrian.

Oihana Kortazar: “Beti harro esan dut ama naizela eta nire ogibidea mendian lehiatzea dela”

2014-02-01 : 11:55

Oihana Kortazar (Elgeta 1984) mendi lasterkaria, txiki-txikitatik izan da kirolzale amorratua. Naturarenganako maitasunak eta bere grinak goi mailako kirolera bideratu du bere ibilbide profesionala. Ibilbide honetan ia-etenik gabe aritu da lasterketetan, baina orain duela 3 urte bezala, bere bigarren haurraren esperoan eten txiki bat egin du lehiaketen zirkuituan.

Internet feminismo anitzen bilgune

2013-10-28 : 14:16

Berriki  June Fernandez kazetari eta blogari feministak Gazte Behatokian ikastaro bat eskaini du “Sexismoaren prebentzioa gizarte-sareetan” gaitzat hartuz. Pikara magazineko zuzendari eta hainbat argitalpenetan kolaboratzaile da June, eta Beldur Barik ekimenaren atzean ere ibili da.

Nik euskaraz, zuk zergatik ez?

2013-09-27 : 21:48

Euskaltegiek, hizkuntza eskolek eta Mintzalaguna bezalako programek urteroko kanpaina hasi dute irailean, ikasleak bilatu asmoaz. Euskara ikasteko mila arrazoi izan ditzakegu; hala, batzuk maitasunagatik, nortasunagatik (euskaldun sentitzen direlako), lagunekin komunikatzeko edo lana bilatzeko aitzakiarekin hasten dira hizkuntza ikasten. Ondorengo bideoen bidez mila arrazoi badirela euskara ikasteko erakutsi nahi dugu.


Gazte Ibiltarien filmak

2013-08-16 : 14:42

Aho bete hortz gelditu gara Gazte Ibiltariek egindako lanarekin. Euskal Herrian zehar 350 km-tako ibilbidea egin dute 8 gaztek Gazteaukera eta Ibilbideaken eskutik. Aste betez, Axi Muniain, Oihana Kortazar, Irati Anda eta Ander Izagirreregin kirol abenturan murgildurik ibiltzeaz gain, bestelako zereginak ere primeran burutu dituzte, tartean bidaiaren inguruko bideo eder hauek. Prestatu krispetak!

Nor da nor? Gazte Ibiltarien aurkezpena

2013-07-16 : 12:38

Gazte Ibiltariak egitasmoan hainbat lan jaso ostean honako hauek dira 8 gazte irabazleak. 7 egunez 350 kilometro egingo dituzte gazteek Euskal Herrian zehar bizikletaz, Ander Izagirre, Oihana Kortazar, Axi Muniain eta Irati Anda gidari lagun dituztela. Lan sarituak Gazteaukera blogean  daude ikusgai eta bidaiaren berri gazteek baraiek emango dute abuztuaren 4tik 11ra bitartean, Gazteaukeran eta Ibilbideak plataformetan.

Bizikleta ibilbideek eta teknologiek bat egingo dute Gazte Ibiltariak egitasmoan

2013-06-01 : 12:26

8 gaztek 350 km egingo dituzte bizikletan Euskal Herrian zehar Asier Muniain, Oihana Kortazar, Irati Anda eta Ander Izagirre  kirolariek gidaturik, Gazteaukera eta Ibilbideaken eskutik.

Euskadiko auzolandegien berri emango dute bi gazte blogarik, “Auzokontalariak” lehiaketan

2013-05-16 : 12:20

Auzokontalariak ekimenak gazteek Euskadiko auzolandegietan dituzten bizipenak erakustea du helburu. Euskadiko auzolandegietara bisita egin eta bertako bizipenak plazaratzeko prest dauden bi blogari aukeratuko ditu Gazteaukerak, abian jarri duen Auzokontalariak lehiaketaren bidez.

 

“Top euskaraz”: atzerritar abeslariak euskaraz kantari

2013-03-15 : 17:57

Korrika 18k ekin dio euskararen aldeko ibilbideari eta guk euskara ahotan darabilten zenbait musikari atzerritarren bilduma egin nahi izan dugu. Gure hizkuntza gure mugez haratago zabaltzeko gai delako, hemen gure “top euskaraz” musika zerrenda:

Gazteaukerak ataria berritu du

2012-07-06 : 10:19

Gazteaukerak etorkizuneko erronkei aurre egiteko jauzi berri bat eman du eta web orriaren diseinua berritu du. Edukiak errazago eta era intuitiboagoan bistaratzeko diseinu argi eta garbiago bat prestatu dugu.

Gazteaukera ataria