Ainhoa Ezeiza

Datorren asteazkenean, urriak 5, mahai-ingurua antolatu dugu Ilusionista Sozialen Mintegiko II Jardunaldien baitan euskararen normalizazioan azken urteotan gauzatu diren zenbait ekimen aztertu eta batez ere, aurrera begirako proposamenak eztabaidatzeko asmotan. Eztabaida horretan, ezinbestekotzat jotzen dugu Eskolaren lekua aztertzea, euskalduntzean eta kale-erabileran duen eragina sakonago ulertzeko. Donostiako Magisteritza Ikastegian, urriaren 5ean arratsaldeko 16.30etan. Izena emateko: http://www.ehu.eus/eu/web/ism/izenematea.

Maiatzaren 8an, goizez, Kultura Zientifikoa sustatzeko I Ikasle Topaketa egingo da Donostian, UPV/EHUko Carlos Santamaria Zentroan (liburutegi berriaren eraikinean). Ekitaldi honen helburua da ikasleek hitza hartzea Kultura zientifikoa euskaraz eta ikuspegi diziplinartekotik zabaltzen laguntzeko.

Nola funtzionatzen du Wikipediak? Nola lagun dezaket euskarazko wikipedia haz dadin?

Galdera hauek nola erantzun jakin nahi baduzu, zatoz apirilaren 3ko* lan-tailerrera!

*[eguneratzea] Tailerreko hasierako data aldatu dugu. Tailerra 2014ko apirilaren 3an izango da.

Ikaskidetza Sareak antolatuta, Donostiako Irakasleen Unibertsitate Eskolan egingo dugu arratsaldez (16:00etatik 20:00etara).

Galder González (@theklaneh) izango da dinamizatzailea eta bere eskarmentua azaltzeaz gain, ordenagailuan lanean jarriko gaitu gure ekarpenak nola egin ikasteko.

2014ko otsailaren 27an, osteguna, bideoak grabatzen eta argitaratzen trebatzeko tailerra antolatu dugu Donostian: Ikaskidetza Sarean. Tailerrean, mobilaz grabatu, Youtube-ra igo eta hodeian editatzen trebatuko gara: kontaketa digitala antolatzen (digital storytelling), azpitituluak berehala idazten eta argitaratzen. Tailerra Josi Sierrak (@josi) dinamizatuko du (http://conocity.eu/). Donostiako Irakasleen Unibertsitate Eskolako 2.1 gelan elkartuko gara 16:00etan. Tailerra euskaraz izango da eta izenematea doakoa da.

Geolokalizazio kontuetan trebatu nahi duzu? Ikasi nahi duzu ibilbideak seinalatzen eta partekatzen? Jakin nahi duzu nola atera etekina zure mobil edo tableteko GPSari? Zatoz datorren larunbatean, otsailak 8, 16:00etan Donostiako Hirikilabs-en egoitzara eta ederki pasako duzu! Tailerra euskaraz izango da eta izena eman besterik ez duzu tailerrera etortzeko: http://www.ikaskidetza.org/events/geo/

Datorren asteartean, urtarrilak 14, Donostiako Kirol Etxean, bizitza-estilo aktiboaz ideiak trukatzeko tailerra antolatu dugu Ikaskidetza Sarean. Tailerra Aritz Olagoi kirol psikologoak dinamizatuko du eta doakoa da, soilik izena eman behar da.

Besteak beste, eguneroko bizitza osasuntsuagoa izaten laguntzeko ideiak, mugimenduak, trikimailuak eta tresna teknologikoak aztertuko ditugu (telefono eta tableta aplikazioak, bideojokoak eta antzerakoak). Animatzen gurekin ikastera?

2013ko uztailaren 15 eta 16an Donostian, UPV/EHUko Irakasleen Unibertsitate Eskolan, Ikaskuntza Informal eta Sare Komunikazioko I. Jardunaldiak egingo dira, #ikaskide13 Twitterren.