Maiatzaren 8an, goizez, Kultura Zientifikoa sustatzeko I Ikasle Topaketa egingo da Donostian, UPV/EHUko Carlos Santamaria Zentroan (liburutegi berriaren eraikinean). Ekitaldi honen helburua da ikasleek hitza hartzea Kultura zientifikoa euskaraz eta ikuspegi diziplinartekotik zabaltzen laguntzeko.
Antolatzaileak: Ikaskidetza Sarea (
http://www.ikaskidetza.org/) eta UPV/EHUko
Kultura Zientifikoko KatedraBabesleak: DIPC (Donostia International Physics Center) eta Euskampus
Laguntzaileak: Elhuyar Fundazioa eta UEU (Udako Euskal Unibertsitatea)
Webgunea:
http://kulturazientifikoa.blogspot.com.es/Twitterren:
@KZientifikoa edo
#KZientifikoa etiketa
Publiko gisa, ikasleak, irakasleak eta zientzia dibulgatzaileak izango dira eta espero dugu denontzat aberasgarria izatea truke hau.
Izena emateko, fitxa hau bete behar da (doakoa da):
http://kulturazientifikoa.blogspot.com.es/p/topaketa.html
Behin-behineko programa:
http://kulturazientifikoa.blogspot.com.es/p/behin-behineko-programa.html
Kultura Zientifikoa sustatzeko topaketa honetan, askotariko diziplinetan dabiltzan ikasleen hitzaren balioa aldarrikatzeaz gain, euskara arlo zientifikoan duen presentzia azpimarratzeko asmo argia dugu. Ikasleak beste diziplina batzuetako beste ikasle batzuk topatu eta ideia konplexuak euskaraz trukatzea baliotsua iruditu zaigu.
Sare sozialetan euskara zientifikoaren presentzia sustatzeko ekimenak dira ekitaldi honen jatorria (
#kulturazientifikoa eta
#KZJaia batik bat) eta kultura zientifikoa euskaraz hedatzeko ikasleek duten garrantzia azaleratzeari funtsezko deritzogu mugimendu honetan.
Izenematea doakoa da eta oso une polita izango litzateke sare-ekimen hauetan parte hartu dugunok aurrez aurre topatzeko ere.
Bertaratzen zaretenontzat, kafea geure kontu!
Erantzun
Sartu