Primeran-etik kanpo ere, euskarazko eduki gehiago

Youtuben, bi eduki interesgarria.

• Jon Maiak zuzendu zuen Kastellanuek dokumentala ikusgai jarri du sarean Azpeitiko Udalak. Iaz estreinatu Maiaren dokumentala. Francoren diktadura garaian bizi hobeago baten bila Azpeitira etorri ziren etorkinen  (Extremadurako Valle de la Serenako migranteak asko) testigantzak jasotzen dituen dokumentala da.
• Antton Telleriaren Nekatutak, standup edo bakarrizketa, iaz Donostiako Antzoki Zaharrean zuzenekoan grabatua (Bidean Produkzioak). Igandean estreinatu zenetik gaurko egunera ia 17.000 ikustaldi izan dituen lana. (artikuluko irudia grabaketa honetakoa, noski)

Youtubeko euskarazko edukiak arakatzeko, gogoratu badela aplikazio bat, ZNI TB (Zer Non Ikusi telebista), Androiderako eskuragarri.

Eta biharko egunetik aurrera, Netflix-en ikusgai:

• Bi eta Bat, ETBko telesaila izan zen 1991 eta 1993 artean. Euskarazko originalean ikusi ahal izango dira 26 atalak, Eneko Olasagasti eta Carlos Zabalak zuzendu zituztenak. Artxiboko euskarazko telesail bat katalogora igotzen duen lehen aldia da Netflixentzat, edo beste nazioarteko plataformentzat, guk dakigula.

Gainera, Bi eta Bat ez da bakarrik Netflixera gehituko, Movistar Plus+ plataforma espainoleko katalogora ere bai. Eta ez eduki hori bakarrik, EITBren euskarazko 275 ordutik gora gehitu dituzte berriki. Gehitu diren edukien artean ahieran, besteak beste, Herri Txiki, Infernu Handi saio ibiltaria, Barre Librea bakarrizketa saioa eta Altxa Txapela lehiaketa. Horrez gain, 3 Ene Kantak haurrentzako programaren atalak eta hainbat musika-eduki izango dituzte: hala nola Bidegurutzean programa, Gaztea B Aldea saioaren emanaldiak.

Primeran plataformari dagokionez, Zer Non Ikusik gehitu ditu bertako edukiak bere katalogora, atal honetan. Twitterreko kanaletik ere txukun informatzen du Zer Non Ikusik zer den berri, eta horrela jakin dugu, adibidez, Apaiz kartzela filma, Oier Arantzabalek 2021ean zuzendua, Primeranen dagoela jada, euskarazko audioarekin eta aukeran azpidatziekin ere.