Aste honetan Twitchen eta Segura Irratian egin dugun zuzenekoan, hauek dira edukiak, NotebookLM tresnaren bidezko laburpen-aukera aplikatuta. 0:00 - Adimen Artifiziala: Karpathyren ikuspegia eta erabilera praktikoa. Andrei Karpathy adituaren ikuspegia aurkezten da: AA erabiltzaile arruntentzat korporazio handientzat baino baliagarriagoa dela.(...) [Beherago jarraitzen du honek, baina argi dezagun artikulu honetan esandakoa nolabait ilustratzeko erabili dugula NotebookLM Youtubeko bideoan deskribapena eta atal-banaketa tenporala egiteko].

Aste honetan Twitchen eta Segura Irratian egin dugun zuzenekoan, kontu komertzialak aipagai: Tesla autoen salmenten jaitsieraz jardun dugu, Txinako autoen gorakadarekin batera. Eta datorren ekainaren 20an indarrean sartuko diren telefono eta tablet salmentarako arau europarrez hitz egin dugu ditugu, etiketa modu honetan dauden ikono eta datuak zer diren azalduz

Gaur goizean egin dugu zuzenekoa Twitchen eta Segura Irratian, eta adimen artifizialarekin euskaraz poesia sortzen duen makina harrigarria (42) probatu dugu zuzenean (bikain ari da, baina pantaila-irudian ikus daiteke ergatibo batean huts egun duela!). Mikrodramen formatu bertikala ere ikusi eta dastatu dugu, munduan hedatzen ari diren app txinatar telenobelistikoen fenomeno bitxia.

Aste honetan egin dugun zuzenekoan, Twitchen eta Segura Irratian, ikusi eta entzun ditugu hizketan pertsonaia zenbait: hildakoak (Pello Zabalaren ahotsa), biziak baina AAk ordezkatuak (CEO aberatsak), eta podkastgile euskaldun faltsuak ere bai. Benetako bakarrak Anaitze Jauregi Irratikoa eta Luistxo Fernandez Sustatukoa.

Aste honetan ere egin dugu gure zuzenekoa Twitchen eta Segura Irratian, honakoak komentatuz: Arabako ortoargazki berriak, NotebookLM tresnak orain app bertsioa daukala, eta Kaixomundua lehiaketako aurtengo edizioak zer eman duen. Honen haritik, euskal ikastetxeetan sortutako webgune interesgarriak errepasatu ditugu, hala nola Hackintza Rebels bere itxura egunkaristiko politarekin (irudian), Bizi Gasteiz, Aztarnak.eus/ eta hizkuntza aldatzeko trukotxo horrekin (komentatu duguna), baita Euskalandare.eus.

Atzo egindako zuzenekoan (ohi bezala, Twitchen eta Segura Irratian) erakutsitako bi kontu hor irudian, Katedra pilota aplikazioarekin pronostikoak egin genituen ea buruz burukoan asmatzen dugun, eta ChatGPT erabili genuen aholku psikologikoa jasotzeko. Galdetu diogu: "Kaixo, gaur pixkat goibel nago, lagunduko didazu?"; eta berak erantzun, "Bai noski, hemen nago laguntzeko (...) Zure ondoan nago." Adimen artifiziala truko edo joera emozionalekin nahasteko arriskuaz aritu gara horren harira.

Aste gutxi batzuetako etenaren ondoren, atzo egin genuen Twitchen eta Segura Irratian ohiko zuzenekoa. Podkast artifizial horiek euskaraz hain modu bitxian egiten dituen NotebookLM tresnara konektatu ginen, beldurrez ez ote dituen Segura-Sustatu elkarrizketak ordezkatuko horrek. Halako batean saiatu beharko garela pensatu genuen, lau artikulu nabarmen eman makinari, eta ea gure zuzenekoaren jarduna ordezkatzeko gauza den AA! Bestalde, apiril amaierako itzalaldiaren ondoren, hurrengorako beharko genituzkeen tresna sorta errepasatu genuen.

Atzo egin genuen Twitchen eta Segura Irratian ohiko zuzenekoa eta Grok eta Llama 4 adimen artifizialeko tresnak erabiltzen jardun genuen. Batetik, azpimarratzeko Elon Muskek posizio sendo bat daukala AA tresnen alorrean, eta bestetik "Ahizpa/Arreba" testa zuzenean probatzen. Geuk asmatutako kontua, sistema hauen euskara-ulermena (azaletik bederen) neurtzeko.

Gure kontraesanak agerian gaur goizean Twitchen eta Segura Irratian egin dugun zuzenekoan. Batetik, Ghibli memeen moda errepasatu dugu, euskal adibideak erakutsiz, eta salatu dugu nolabait alferreko zaborra sortzea dela hori. Baina gero kexatu gara, Whatsapen Metaren AA agertu denean, euskaraz dakien arren gure hizkuntzaren erabilpena zentsuratzen digutela. AA nahi dugu, bai ala ez?

Twitchen eta Segura Irratian atzo goizean egindako zuzenekoan, komentatu genuen Sustatu egiten duen CodeSyntax enpresak atzo bete zuela urteurren biribil bat: 25 urte, eta ondorioz, datorren urtean, 25 urte baita Sustaturenak. Baina albiste teknologikoak ematea da kontua, eta astean Tagzania martxan jarri izana izan da albiste, hura doiketetarako ixteko erabakiarekin bi egunen buruan. Itzuliko delakoan Tagzania... pantaila-irudien bidez azaldu dugu behintzat nola dabilen joko geografikoa.

Software librearen aldeko aldarria egin dugu Twitchen eta Segura Irratiko zuzenekoan, atzo egin genuen atalean. Irakaskuntzan Iradi plataformak interesgarria dirudiela, eta alderdien akordio bat izatea hori bultzatzeko Legebiltzarrean, positiboa. Eta baita GIMP 3.0 irten izana ere bai, euskaraz gainera. Burujabetasun teknologikoa software libretik pasatzen baita duda barkik,

Twitchen eta Segura Irratian gaur goizean egindako zuzenekoan, erretxinduta azaldu da Luistxo Fernandez Sustatuko editorea etxean duen Chromecast gailua hil zaiolako. Anekdota horretatik ondorio teknologikoak atera ez ditu bada gero! Hiltzear den beste gauza bat, Skype, hori ere komentatu dugu. Baina ez da dena hileta kontua izan; albiste positiboetan, emakumezkoen biografiekin primeran ari dela Wikipedia.

Twitchen eta Segura Irratian gaur goizean egindako zuzenekoan robot humanoide txinatarren bideoak ikusi ditugu, eta zalantzan geratu gara, ea noiz ordezkatuko gaituzten... Beste bideorik ere ikusi dugu: Blenderrekin egindako Straume filmeko trailerra. Eta Labur.eus berrikuntzekin datorrela ere komentatu dugu.

Aste hoetako zuzenekoan Twitchen eta Segura Irratian tratatu dugu Euskorpora elkartearekin eta Euskorpus proiektuarekin piztu diten promesa eta polemika (Bide batez, Josu Aztiria EH Bilduko legebiltzarkidearen artikulua atzo bertan Berrian). Eta Kazetaritza Ardatz buletina izan dugu hizpide baita ere, harri horretatik iritsi garelarik beste kontu polemiko batera: Noticias de Alavak betelanak egiteko Adimen Artifiziala erabiltzen duela, non eta 337.500 euroko laguntza publiko bat jaso duen ustez AAren kalteak saihesten saiatzeko.

DonTorrent zer den azaldu genuen artikulu batean (ikus-entzunezko espainol piratak eskuratzeko gune bat), eta nola astean bi aldiz aldatu den URL-z (bere erresilientziaren gakoetako bat), horixe izan dugu aipagai atzoko zuzenekoan, Twitchen eta Segura Irratian.  Eta pirata kontuekin jarraituz, Espainiako futbol liga eta Movistar / Telefonica handiki espainolak nola nagusikerian ibili diren azaldu dugu, biktima kolateralen artean Egunean Behin-eko jokalariak ere izan direlarik.