Hizkibridoak 2023 zuzeneko podkast grabaketa/emanaldi batekin hasiko da
Euskararen Etxeak Bilbon urtero egin ohi duen Hizkibridoak kultur ekitaldien sorta datorren urriaren 19an hasiko da aurten, iteratura feministari buruzko Ahots Planeta podkastaren hirugarren edizioa aurkeztuko delarik bertan. Podkasta bertan grabatuz, alegia.
Azkue Fundazioak eta Euskal Idazleen Elkarteak (EIE) ekoitzitako podkasta da Ahots Planeta, eta bere hirugarren edizio hau aurkeztuko dute Idoia Carramiñana podkastgileak, Albina Stardust drag artista ondoan duela. denboraldian zehar aipatuko diren gaiei helduko diete biek; "norberarenetik eta jolasen bidez, baina literaturarekin lotura eginez betiere".
Euskararen Etxean egingo dute emanaldia, urriaren 19an, 19:30etik aurrera, Hi(ZKI)bridoak kultur egitaruaren barruan. 2023ko Hizkibridoak egitarauaren leloa da, zehazki, Literatura mutanteak. Eta 19ko inaugurazioaz gain, gainerako ekitaldiak izango dira:
- Urriaren 26an, Elkarrizketa bat pianoarekin: zahartzaroa emakumeen euskarazko poesian. Hitzaldia emango dute Ainhoa Urien Telletxek eta Nerea Iglesias Lilik.
- Azaroaren 23an: Bertsolari bekatorosak. Dom Campistron ilustratzailearen Bekatorosak lana abiapuntu hartuta (eta Campistron bera gai-jartzaile dela), bertsotan arituko dira Miren Amuriza eta Ane Labaka bertsolariak.
- Azaroaren 29an: Hau gerra bat da, Piszifaktoria Ideien Laborategiaren ikuskizuna, Euskararen Etxearen laguntza-deialdi baten bidez landutako proiektua hain zuzen,
Ekitaldi guztiak doan, 19:30etan, Bilboko Euskararen Etxean (Agoitz plaza 1, San Inazio).
Erantzun
Sartu