lazarraga

Lazarraga Sariak bi urtez behin banatzen dira, arlo sozioekonomikoan euskararen aldeko lanaren aitortza moduan. Aurtengo laugarren edizioa “Lanabes, Araban Euskara Lanean” egitasmoaren barruan kokatuko da. Arabako esparru sozioekonomikoan euskara txertatzen eta hedatzen egindako lana saritzeko ekitaldia azaroaren 24an izango da eta hautagaitzak urriaren 21a arte aurkeztu daitezke lanabes webgunearen bidez.

Datorren abenduaren 17an eta 18an (asteazkena eta osteguna), "Arabako hizkuntzak eta hiztunak mundu eleanitzean" izeneko jardunaldiak izango dira Artium Museoaren konferentzia gelan Arabako Foru Aldundiak antolatuta. Hitzaldiak 18.30an hasiko dira. Sarrera doan.

Lazarraga sarien helburua, erakunde eta pertsonek Arabako Lurralde Historikoan edo Trebiñuko Konderrian gizarte eta ekonomia esparruan euskararen normalizaziorako egin duten lan saritzea da. Hautagaiak edonork proposa ditzake: azaroaren 7an bukatzen da epea. Hautagaiak aurkezten dituztenen artean Joan Perez Lazarraga arabar poetaren eskuizkribuaren litografiak zozketatuko dira.