Lazarraga Sariak, arlo sozioekonomikoan euskararen aldeko lanaren aitortza

Lazarraga Sarien laugarren edizioa aurkeztu dute Igone Martinez de Lunak, Arabako Euskara, Kultura eta Kirol Saileko foru diputatuak, eta Rober Gutiérrez-ek, Bai Euskarari Ziurtagiriaren Elkartearen zuzendariak.

Lanabes egitasmoko talde eragilean, Arabako Foru Aldundia, SEA Arabako Enpresariak, Arabako Merkataritza eta Industria Ganbara, Arabako Merkataritza Federazioa, Laneki, Electra Vitoria eta Oreka It enpresak eta Bai Euskarari Ziurtagiriaren Elkartea ari dira elkarlanean Araban euskararen presentzia sustatzeko eta handitzeko helburuarekin.

Bost sari banatuko dira, erakunde edota pertsona fisikoentzat. Honakoak izango dira epaimahaiak kontutan hartuko dituen irizpideak:

• zerbitzua euskaraz eman eta lan egiteko hartu diren neurriak. 
• euskaraz lan egiteko baliabideak
• barruko dokumentazioa.
• hizkuntza paisaia.
• kanpoko komunikazioa.
• produktuaren kontsumitzaile eta erabiltzaileentzako elementuak.
• euskaraz egindako prestakuntza
• euskara prestakuntza lanean.
• gizarte erantzukizunaren maila.
• euskara esparru sozioekonomikoan sustatzearekin lotutako beste edozein neurri.

Proposamen eskaera egiteko epea urriaren 21a arte zabalik egongo da eta hainbat modutara egin dezakezu:

• Lanabes.eus webgunean egongo den galdetegia bete eta proposamena atxikitu.
• Twitterren, LazarragaSariak traola erabiliz@Lazarragasariak
• Facebooken:http://www.facebook.com/Lazarraga.Saria
• Arabako Foru Aldundiaren Euskara, Kultura eta Kirol Sailean entregatu edo bertara bidali (kanpoko aldean IV. Lazarraga Sariak jarri).

Azken izendapenak eta irabazleak erabakiko dituen epaimahaia Lanabes egitasmoa osatzen duen talde eragileak osatuko du.

Info gehiago: www.lanabes.eus