ALDEE

Gure lanbidearekiko ilusioak eta gogoak bultzatuta, denon artean interes profesionala eta zerbitzurako bokazioa bideratzeko elkarte bat sortzera eraman gintuen unea gehienon oroimenean bizi egon arren, 25 urte bete dira jada. Gauzak horrela, 2015. urtea ospakizun eta hazkunde profesionalerako urtea izan dadila nahi dugu ALDEE elkartean, eta, berariaz sortu dugun lantaldean parte hartzera gonbidatu nahi zaitugu, egin dezakezun edozein ekarpen beti ongi etorria izango delarik. Izena emateko edo zure ekarpenak bidaltzeko erabili aldee25@aldee.org helbidea.

Hezkuntza, Hizkuntza Politika eta Kultura Sailak berriki argitaratutako “XXI menderako liburutegi-zerbitzuak: herritar, erabiltzaile eta adituen iritzia EAEko liburutegi publikoetako zerbitzuen orainaren eta etorkizunaren inguruan” txostena dela eta (PDF formatuan laburpena, irudia txostenetik hartua) ALDEEko Zuzendaritza Batzordeak eta Joana Albret Bibliotekonomia Mintegiko kideek txosten horren ondorioen harira, gure ardura azaldu nahi dugu Euskadiko liburutegi zerbitzuen eta herritarrek egiten duten horien erabileraren gainean.