zehaztenzk

Bidegoiango San Pedroburuko muinoan aztarnategi arkeologikoa topatu zuten orain bi urte, Gipuzkoako erlijio guneetan eta, batez ere, eliza eta baselizetan Zehazten ZK-ko kideek aurrera daramaten ikerketa programa bati esker. Bertan, azken bi urteotan, Iromendiko San Pedro eliza zaharraren aztarnak topatu zituzten. Aurten ere ikerketarekin jarraitzeko asmoa dute baina momentuko egoera ekonomiko latza dela eta, lan arkeologikoei aurre egiteko behar den gainontzeko dirua lortzeko crowdfunding edo norbanakoen ekarpenen bidezko finantzaketa sistema erabiltzea pentsatu dute.