Unai Agirre

Donostiako Sagardo Eguna izango da irailaren 1ean, aurten 27garren aldiz, Konstituzio Plazan, goizeko 11:00etatik 14:00etara. Gipuzkoako 40 sagardogile bilduko dira, Gipuzkoako Sagardogileen Elkarteak antolatuta eta Donostia Kultura eta Kutxaren laguntzarekin. Donostiako Euskal Jaien barruko ekitaldia izango da eta urteroko moduan, Gipuzkoako Sagardogileen Elkarteko 40 sagardotegi izango dira bertan, beren sagardoa probatzera ematen, Plazako arkuetan jartzen diren postuetan. Aurtengo edizioak betiko sagardo dastatzeaz gain berrikuntza dezente izango ditu, urteroko festa handia berritu eta zabaldu eta erakargarriagoa egiteko helburuarekin.