Sustatu.eus

Whatsapp bidez zeure buruarekin jarduteko metodo baten berri eman digute. Zertarako? Ba... horrela erabiltzen duenik egon badagoela jakin dugu. Ohar pertsonalak, gogorakizunak eta irudi zehatz batzuk gordeta edukitzeko erabiltzen dituzte batzuek auto-whatsapp hauek. Nola egin? Erraza: sortu talde bat, jarri izena "neure burua", eta gehitu beste lagun bat, Urlia. Jarraian eta berehala, Urlia egotzi, eta zu zeu bakarrik geratuko zara, talde unipertsonal baina funtzionatzen duen batekin.

Dakizuen bezala, atzo hil zen Prince, Minneapolisko musikari handia. Bowie hil zenean ez bezala, Youtubeko bideorik gabe gogoratu dugu, sistematikoak izan baitira Prince eta bere egile eskubideen kudeatzaileak bere klip eta musika sareko plataformetatik ezabatzen. Ale hau ere desagertua egon zen, baina azkenean baimenarekin itzuli da (Radiohead-ena barne), 'Creep' kantuaren bertsio bat.

Twitter jausi egin da. Goizeko 9.00ak eta 10.00ak artean gertatu da mundu mailako errore bat, eta harrezkero Twitter ez dabil ez mugikorreko aplikazioetan ez web bidez. Twitterren lehen urteetan ohikoa zen zerbitzua jaustea, eta ospetsua bihurtu zen orduan jartzen zuten irudia, balea handi batena. Baina azken 5 urteetan, azpiegitura eta ingeniaritzan ahalegin handiak egin ondoren, halakorik ez da gertatu. Mundu mailako huts-egite hau albiste izango da hurrengo orduetan, ikusiko duzue.

Etxean zaude, badakizu telefonoa han dagoela, baina non demontre? https://www.google.es/android/devicemanager Google Android Device manager bisitatu, eta bertatik agindu diezaiokezu jo dezala soinua, baita isiltasun egoeran utzi bazenuen ere. Telefonoa ez badago etxean, blokeo eta mapa aukerak ere bai (azken hau, kokapena aktibatua baduzu)

Marrazkilari eta diseinatzaile katalan batek (@JordiCalvis) Twitterreko inkesta mordo baten bitartez, parlamentari katalanen arteko bozketa-lehiak antolatu ditu, President nor izan behar den "hautatzeko". Finalera Oriol Junqueras eta Artur Mas iritsi dira eta gaur da bozkatzeko eguna:

https://twitter.com/jordicalvis/status/664186333146009600

Txio baten bidez, inkesta bat egiteko aukera Twitterren (soilik erabiltzaile batzuen esku oraingoz, hedatzen ari da aukera).

Adibide honetan, galdera izan da ea #traol edo @ErabiltzaileIzen baten ondoren deklinabidea nola bereizi behar dugun. @Sustatu-ren hobetsi du herriak, ez @Sustatu|ren baina beste aukera batzuk ere aipatu dira, bereziki apostrofea edo espazio hutsa:

@Sustatu ren
@Sustatu'ren

Dropcoin borondatezko laguntza-ordainketa sistema jarri dute abian Zuzeun. Nafarrak dira Dropcoin sistema hau sortu dutenak, eta haiekin elkarlanean, euren sistema euskaratu eta webgunean txertatu dute Zuzeun. Info gehiago:

https://www.dropcoin.es/eu/nola-erabili/
https://www.dropcoin.es/eu/ohiko-galderak/
http://zuzeu.eus/2015/05/27/dropcoin-euskarara/

Taldekako mezu pribatuak ditugu jada Twitterren. Baina, Whatsapp hor izanda, ze nezesidade izango du jendeak?

Bestalde, interfazeko mezuak ez dirudi euskaratu direnik.

Benetan @Euskalmet, erabaki dituzuen traol horiek, artikulu barik, ze txarto ematen duten euskaldun gehienen belarrira... #elur edo #euri baino mila bider naturalago emango lukete #elurra edo #euria balira. Mesedez. Benetan, mesedez.

Hemen da #puntueus domeinua http://sustatu.eus aktibatu dugu gaur. Hainbat aitzindarik bihar aurkeztuko dituzte beren domeinu berriak Bilbon egindako ekitaldi batean, eta baliteke zenbaitek gaurdanik aktibatzea jada. Gure URL zahar guztiak automatikoki desbideratzen dira.

Twitterreko ikonoan ere PuntuEus zeinua ezarri dugu, hemendik egin daiteke: http://twb.ly/7MSPAO31

Dena ondo bidean, ekainaren 21ean Sustatu.eus domeinua estreinatuko du webgune honek. #PuntuEus prozesuan 91 aitzindaritza onartu ditu PuntuEus Fundazioak, 110 eskaera jaso ondoren. Hitzarmen bat sinatu ondoren, teknikoki prest daudenek, 21etik aurrera izango dute domeinua aktibatzeko aukera.

Twitterren interfaze berri harrigarria agertu zaio ustekabean Mashable-ko kazetari bati. Facebook-en antza handia du batetik, baina bestetik, sakrifikatzen du Twitterren ezaugarri zaharrenetakoa: timeline edo txio-jario bertikala. Horren ordez, grid esan ohi zaion egitura bat dakar, agian Flipboard ere gogoratzen diguna.

http://mashable.com/2014/02/11/twitter-redesign-facebook-google/

Angeluko istripuaz, El Pais-en titularra: "Un carguero español se parte en dos en la costa vasco-francesa". Eta horren harira @AritzGalarraga-k proposaturiko aldaerak:

- "Un carguero vasco-español se parte en dos en la costa francesa"

- "Un carguero español se parte en dos en la costa francesa"

- "Un carguero vasco se parte en dos en la costa vasca"

- "Un carguero se parte en dos en la costa"

- "Un carguero español se parte la caja..."

- ...

John F. Kennedy hil zuten egunaren 50. urteurrena betetzen den ostiral honetan, CBS telebista-kateak streaming berezi bat hasiko du gaur arratsaldeko 19:40etan (Euskal Herriko ordua): 50 urteko diferituarekin, orduko telebista emanaldi berezi berdina errepikatuko du, eta lau egunez jarraituko dute horrekin, URL honetan:

http://www.cbsnews.com/videos/jfk-assassination/

Han azalduko da Walter Conkrite kazetariaren irudi ikonikoa, albistea ematen bere herrikideei.

Mezu honekin, Sustatun edukia kargatzeko modu berria estreinatzen dugu. 'Artikulua' izan beharrean, 'mezua'. Izenburu edo formatu barik, baina txioa baino luzeagoa den zerbait azaldu komunikatu duzunerako. Twitlongerrek funtzionatzen duen eran ere erabili dezakezu.

Probatu hemendik: http://sustatu.com/addmezuaform