Josu Goiko

Hara, tumblr-ek abisua eman dit: gaur urtebete du http://gaijartzaileazarenean.tumblr.com/archive mikroblogak. http://abertzaleazarenean.tumblr.com/ eta http://izkinetik.tumblr.com/ blogetan inspiratuta sortu nuen, aprobarako jolas moduan.
Bere bidetxoa egin zuen gero. Bertsolaritza umorez tratatzeko asmoa izan nuen, gehien ezagutzen dudan ertzetik, apur bat desmitifikatzeko eta batzuetan ageri duen zurruntasuna biguntzeko.
Beti ez dut asmatu, badakit hori. Ez dut asmo gaiztorik izan, gaiztakeria libre ibili den arren. ;)
Eskerrik asko bloga jarraitu duzuenoi.

'La grande bellezza' ikusi nuen atzo (http://azpitituluak.com/euskaraz/1388391954). Edertasun ikaragarriko filma da, une bikain asko dituena.
Baina istorioan guztiz sartuta egon ostean, bukaera aldera deskolokatu egin ninduen moja santuaren kontuak. Uste dut ez nuela ondo ulertu. Bestela, beste barik, adarra jotzen ari zaigu zuzendaria pertsonaia horrekin.
Era berean, apur bat dezepzionatu ninduen 'maitasun galdua' -> 'protagonistaren nostalgia' binomioak. Maitasuna, beti maitasuna.
Eta ipotx bat agertzen da (http://ttiki.com/61524).
Baina ez galdu. Nik berriz ikusiko dut.

Ohi bezala bikain Amelia Barquin. http://abarquin.wordpress.com/2013/09/26/pero-es-que-tu-no-sabes-castellano-o-que/ Gu Bilbon bizi gara eta ez zaigu arrotza egoera. Ni neu, oraindik sumisio keinuak baditudan arren, gero eta haserreago nago, eta gero eta harroago nago (zentzurik zakarranean) nire euskalduntasunaz. Pentsatzen genuen dena eginda zegoela. Oker geunden.