euskaragintza

Joxe Manuel Odriozola gizarte-hizkuntzalariaren arabera, euskararen etorkizuna eraikitzeko funtsezko oinarriak aurkeztu dira "Euskara, beharra da gakoa" proposamenean. Joxe Manuel Odriozolaren ustez "Kultura soziolinguistikoaren oinarrizko printzipio bat ezarri da euskararen aldeko borroka-leku ideologikoan eta politikoan". 

Patxi Saez Beloki soziolinguistak ondorengo 20-30 urteetan euskara indarberritzeko “Gurdiaren Paradigma (2016)” aurkeztu du joan den ostiralean, 2016-02-12an, Euskaltzaindiak “Euskara biziberritzen jarraitzeko” antolatutako jardunaldian. Patxi Saezek bere hitzaldian esan zuen, ondorengo hamarkadetan euskararen erabilera gizarte osora zabaldu nahi badugu, ezinbestekoa dugula orain arteko estrategiak aldatzea eta behar-beharrekoa dugula paradigma berri bat horretarako, Saezek dioenez, “Orain arte egindako berdina eginez, ez ditugu emaitza ezberdinak lortuko”.