Azkue Fundazioa
Euskara sarean josten: jakintza librea, wikiak, sare sozialak, gazteak, jokoak, partekatzea, jardunaldiak, ikas materiala, lehiaketak eta askoz gehiago!
Argazkiak
Wiki Loves Monuments Euskal Herriko lehiaketaren sari banaketa
Banatu ditugu Wiki Loves Monuments Euskal Herriko lehiaketaren sariak. Zorionak Eduardo Bartolomé eta Oneka Tirado zuen argazki liluragarriengatik!
Eskerrik asko lehiaketako parte hartzaile guztiei eta epaimahaikideari!
Hona hemen argazkiak: http://www.azkuefundazioarenegunkaria.eus/wikilovesmonuments-2017ko-argazki-irabazleak/
Mikel Laboa gogoratuz
Mikel Laboa (Donostia, 1934ko ekainaren 15a – Donostia, 2008ko abenduaren 1a) euskal abeslaria eta musikagilea izan zen. XX. mendeko euskal abeslari esperimentatzaile, ezagun eta eraginkorrenetarikoa izan da, bere oihartzuna gure mugetatik kanpora ere zabaldu zuena.
Hiru zutabek osatzen dute Mikel Laboaren kantagintza: kantu tradizionalen berreskuratzeak, poeta garaikideen hitzen musikatzeak eta lekeitioak deituriko kantuen esperimentazioak. Osagai horiekin, Laboa euskal musikagintzaren erreferentzia handienetakoa izan da 1960ko hamarkadatik hona: Ez Dok Amairu taldearen sortzaileetakoa eta euskal kantagintzaren berritzaile nagusietakoa izan da, eta euskal herritarren artean errespetu eta miresmen itzela du haren lanak.
