UEMAren ildo estrategikoak datozen urteetarako

Batetik, bere helburu nagusiak hauek dira:

• Udalerri euskaldunetan bizitza publikoa zein pribatua euskaraz egin ahal izatea.
• Udalerri euskaldunek, bat eginik, euskararen lurgunea osatzea.
• Udalerri euskaldunen garapen sozioekonomikoa eta soziokulturala bermatzea.

Helburu horiek betetzeko, bost ildo estrategiko markatu dituzte.

1) Udalerri euskaldunen lurgunea osatzea: Hego Euskal Herriko udalerri euskaldunek UEMAN bat egitea, eta Ipar Euskal Herriko udalerri euskaldunetan eragiteko lankidetza.

2) UEMA erakunde gisa sendotzea: Erreferentzialtasuna, aitzindaritza, elkarlana, erakundeen eta euskalgintzaren arteko zubigintza, udalekin harremana, euskara teknikarien sarea...

3) Udalerrien erabateko euskalduntzea, bi zentzutan: Udalen euskalduntzea eta idalerrien euskalduntzea.

4) Herritarren sentsibilizazioa eta ahalduntzea: Hedatu hezkuntza proiektua, herritarrentzako askotariko tailerrak, sentsibilizazio kanpainak, eta udalen tipologiara moldatutako ekimenak.

5) Udalerri euskaldunen zaintza eta garapena: Eragin Linguistikoaren Ebaluazioa, arnasguneen eta udalerri euskaldunen garapena, behaketa eta ikerketa.