Teknologia albisteak

Bagara, Gure Eskuk antolatutako ikus-entzunezko maratoia azaroaren 16an

Sustatu

gaur : 08:23

‘Bagara’ ikus-entzunezko maratoia prestatu du Gure Eskuk azaroaren 16rako (larunbata). Euskal Herriko txoko elkartuko dituen 12 orduko “bideo kate erraldoi” bat jarraian emitituko da Gure Eskuren Youtube kanalean zein Hamaika Telebistan. Bidoen kareaz gain gain, ekintza presentzialak antolatu dituzte Hego Euskal Herriko hiriburuetan: Bilbon, Gasteizen, Donostian eta Iruñean.

Giza kateen bidez Euskal Herria lotu eta elkartu zuten duela hamar urte (2014ko ekainean, Gure Esku Dagok deituta orduan) eta oraingoan bideoz osatutako katea egiteko asmoa daukate (orain Gure Esku deritzo deitzaileari): «Bideoz osatutako kate erraldoi baten bidez herri, eragile, pertsona, proiektu eta beste hainbat talderen errealitateak erakutsiko ditugu».

Besteak beste, kultura, hizkuntza, burujabetza edota Euskal Herriarekiko loturaz edo herriari egiten dion ekarpenaz hitz egingo duten bideoak ari dira biltzen. Euskal jendarteari parte hartzeko gonbita luzatu diete, bideomaratoia [a bildua] gureeskudago.eus helbidera ikus-entzunezkoak bidalita. Zehaztu dute horizontalean grabatutakoak izan behar dutela, irudia eta audioa zainduta izatea eskatu dute eta bideoak txukun editatuta egotea, ahal den neurrian. Dagoeneko jaso dituzte bideoak, baina gehiago ere bidal daitezke oraindik.

Hiriburuetako ekitaldietan parte hartzera deitu dute halaber, sarrerak Gureesku.eus webgunean eskuratuz. Ekitaldi hauek izango dira:

Bilbon, Alhondiga edo Azkuna Zentroan. 11:30 ate irekiera; ikuskizuna 12:00etan. Musika, dantza eta margolana uztartuta sortu dute ikuskizuna.
Gasteiz; Auzolana frontoia: 12:30 ate irekiera. Ikuskizuna 13:00. Gu, Agustina! ikuskizuna, erraketisten bizimoduan oinarritua: Pilota, emakumea, bertsolaritza, musika eta dantza.
Iruñea: Nafarroako Antzerki Eskolan. 17:30 ate irekiera. Ikuskizuna 18:00. Antzerkia, Lourdes Imazek idatzia: Orreagatik Iragan Hurbilera.
Donostia: Intxaurrondo Kultur Etxea. Iratzar taldearen kontzertua. (Eta Iratzarren lagunak ere bai).

Ekitaldietan izena emateko hemen, eta baita ere parte hartu daiteke Bagara Lagun izendatuz norberaren negozioa (enpresa, taberna...). Bagara Lagunek agerpena izango dute ikus-entzunezko maratoian.