Bernat Etxepare Lizeoan fedibertsoarekin lanean

Batetik, bi instantzia ireki dituzte fedibertsoan:

• Mastodon sare bat: https://mastodon.librehki.eus/explore 
• Pixelfed bat argazkiak biltegiratzeko: https://pixelfed.librehki.eus/ 

Ikasleek kontu bat irekiko dute web nabigatzailetik. Ondotik, mugikorretik nola baliatu dezaketen ere ikasiko dute.

Erabiltzen hasi aurretik, ordea, gogoeta lan bat egin beharko dute. Ongi etorri aholku batzuk prestatu ditu irakasleak, baina bere eskutik ere jarri beharko dute ikasleek, lizeotar guztientzat segurua izango den plaza numerikoa edo digitala osatzeko arauak idaztera animatuko dira, txoko seguru bat eraikitzeko.

Behin arauak finkatuta eta ikasle-kontuak sortuta, edukiarekin jardungo dute. Mezuen bidez hartu-emanak izatea da helburua, lizeotarren artean iruzkinak, partekatzeak eta "datsegit"-ak trukatzea, eta ariketa parea ere bai, traolen bidez:

• #fediegutegia2025 kanpainan parte hartu (Pixelfed.eus-en sortu zen ekimen hau, hemen azaldu genuena), Iparraldeko txokoak partekatuz, testuinguru bat emanez toki joriei.
• #asteanbehin kanpainan, astean ikasgai batean ikasitako zerbait partekatuko dituzte hariekin.

Eta hori guztia zertarako? Hala azaltzen du irakasleak:

• Gure plaza numeriko propioa sortzeko eta azken honen elkarbizitza arauak finkatzeko, lizeotar guztientzat leku segurua izan dadin
• Euskarazko argitalpenak egin ditzaten
• Euskal fedibertsoarekin bat egin dezaten
• Eduki interesgarriak sortzen ikasteko
• Algoritmorik ez duten sareak ezagut ditzaten
• Euskarazko Kultura Digitala sustatzeko

Honaino Sustatun laburtu duguna, detaile osoan hemen,