Hilabete barru, "oldarraldiaren aurrean" bat egiteko hitzordua

Bilbon izango da azaroaren 4koa, 17:00etan abiatuko da Euskaldunatik, eta Bilboko udaletxean egingo da amaiera-ekitaldia. Azken urteetan euskararen alde egin den manifestazio jendetsuena izango dela aurreikusi dute deitzaileek, eta Bilboko kaleak betetzera eta tokian toki mobilizatzera deitu dute.

Euskararen normalizazioaren kontrako epai sorta bat izan dira oldarraldia ageroan utzi dutenak:

• Erandioko Udalekoa, ezin hizkuntza eskakizuna jarri udaltzain lanpostua,
• Uliazpi Fundazioari buruzkoa, 34 lanpostutan euskara eskatzea legez kanpokoa.
• Barakaldoko kultura zerbitzuena, ezin euskara maila eskatu azpikontrata batean.
• Irungo udaltzainena,
• Nafarroako hainbat udaletakoa,
• Euskara hizkuntza “zailegia” dela argudiatu zuen Laudioko lanpostu bati buruzko epaia.

Kontseiluaren ustez," uztailaren 6an oldarraldiak beste kosta bat gora egin zuen" beste kasu honekin:

• Espainiako Konstituzio Auzitegiak udalerri euskaldunei euskara hutsez funtzionatzeko aukerak murriztu zizkien, EAEko Udal Legeko 6.2. artikulua partzialki baliogabetuz.

Kontseiluko idazkari nagusi Idurre Eskisabele esanetan, «Euskararen normalizazioan aurrerapausoa egiteko tresna sendo bat indargabetu zuen. Baina, horrez gain, adostasun sozial handi baten kontrakoa izan zen epai hori, Udal Legea gehiengo zabalez onartu baitzen Eusko Legebiltzarrean, eta azken Inkesta Soziolinguistikoak argi erakutsi baitu Araba, Bizkai eta Gipuzkoako herritarren gehiengo zabal-zabalak babesten dituela euskararen normalizazioa helburu duten politikak».

Egoeraren larritasuna aintzat harturik, euskaltzaleei, eta, orokorrean, hizkuntza-berdintasunean, justizia sozialean eta bizikidetzan sinesten duten herritar guztiei datorren azaroaren 4an balio horien denen defentsan Bilbon egingo den manifestazioan parte hartzeko deia egin die beraz Euskalgintzaren Kontseiluak.