2023ko Rikardo Arregi Kazetaritza Sarirako hautagaitzak aurkezteko aukera
Irekia dago epea 35. Rikardo Arregi Kazetaritza Sarirako hautagaitzak aurkezteko epea. Parte hartzea sustatzeko helburuarekin, proposamenak aurkezteko aukera dago. Horrela, bada, edonork aurkez ditzake Kazetaritza Sariaren edota Komunikazio Sariaren jabe izatearen aldeko proposamenak. Norberaren lanak aurkez daitezke, edo besteenak. Hala ere, epaimahaiak bere proposamen propioak ere egin ahal izango ditu.
2023mo edizioa osatzen duten bi sariak izango dira:
- Kazetaritza Saria: 9.000 euro
- Komunikazio Saria: 9.000 euro
Proposamenak aurkeztu ahal izango dira irailaren 19a arte. Zera jarri beharko da proposamenean:
- Proposatutako lanaren edo/eta autorearen identifikazioa (lanaren izenburua, autorearen izen deiturak).
- Argitaratutakoa den kasuan, argitalpenaren kopia, erreferentzia zehatza edo, Interneten eskuragarri baldin badago, horren lotura.
- Argitaratu gabeko proiektua baldin bada, proiektua bera bidaliko da dagozkion euskarrietan. (gero ezingo dira berreskuratu).
- Halaber, proposamenaren merezimenduei buruzko azalpen labur bat ere bidaliko da.
Proposamenak bidal daitezke posta arruntaz: Andoaingo Udaleko Euskara Zerbitzua La Salle etorbidea, 6, Urigain kultur etxea, 20140 Andoain
Edo posta elektronikoz: raks (a bildua) andoain.eus
2023ko 35. edizio honetako epaimahaia osatuko dute: Eneko Bidegain, Itxaro Borda , Aingeru Epaltza, Miren Gabantxo, Pantxika Maitia eta Ion Muñoa. Mahaiburua, Sagrario Ruiz Fernandez, Andoaingo Udaleko Euskararen Normalizaziorako zinegotzia.
2022ko sarituen eta finalisten berri, hemen Sustatun.
Erantzun
Sartu