Mugikorra erostekotan bazaude, aplikazio honek esango dizu ea euskaraz ipintzerik ba ote dagoen
Euskarazko Internet Eguna izan zela aprobetxatuz, sareko tresna edo baliabide berri bat aurkeztu du PuntuEus Fundazioak, mugikor modelo bat ea euskaraz jarri daitekeen esaten diguna. Baliabide berri hau Lehen Hitza Euskaraz ekimenaren barruan garatutako erreminta da eta LehenHitza APPak jasotzen dituen datuetan oinarritzen da. Hau da, aplikazio hori instalatu duten milaka euskaldunen datuetan oinarrituz, jakin dezakegu ea mugikor modelo bat euskaraz erabili dezakegun ala ez. Hortaz, zure hurrengo mugikorra erostekotan bazaude, hemen begiratu dezakezu ea euskaraz jartzerik izango den ala ez. Ez kexaka etorri gero! Egia esan, mugikorrak euskaraz erabiltzeko nahiko aukera zabala dago honezkero; orain arte aztertu diren gailu guztien artean %63 inguru jarri daitezke euskaraz. Zuk ere lagundu dezakezu datu-bilketa automatiko horretan: instalatu LehenHitza APPa, eta zure gailuaren hizkuntza-aukerak automatikoki erantsiko dira gure datu-basera (lasai, ez da zure datu pertsonal bakar bat ere biltzen). Datu guzti hauek Androi mugikorrei dagozkie. Zer gertatzen da Apple etxearen Iphoneekin? (klikatu eta ikusiko duzu).
Guztia irakurri (lehenhitza.eus) »»
Txioak (24)
-
Luistxo Fernandez @luistxo | 2018-05-17 17:46
lehenhitza.eus/mugikorrak aurkeztu du @puntueus ek Euskarazko Internet Egunean
Luistxo Fernandez @luistxo | 2018-05-17 17:52
@puntueus Zure hurrengo mugikorra erabakitzeko... #IEB2018 pic.twitter.com/h7PpVusvBc
-
Azkue Fundazioa @AzkueFundazioa | 2018-05-18 11:24
Euskarazko Internet Egunean, lehenhitza.eus/mugikorrak aurkeztu du @puntueus ek pic.twitter.com/7a4oAqgIkD
-
Luistxo Fernandez @luistxo | 2018-05-18 12:47
@txerren @probatxoa esan bezala, Txerren jauna, itxoin baduzu orain eskura duzu behar duzun informazioa: lehenhitza.eus/mugikorrak/
txerren @txerren | 2018-05-18 12:48
@luistxo @probatxoa AUPA ZUEK!!!! (bai, zorionez itxaron egin dut :D)
txerren @txerren | 2018-05-18 12:55
@luistxo @probatxoa Bide batez, erre aurretik nire Blackberry Keyone-a euskaraz zegoen. (Inon sartu nahi bazenute).
Luistxo Fernandez @luistxo | 2018-05-18 13:00
@txerren @probatxoa ez dabil horrela, datu-bilketa automatikoa da, 24 orduero eguneratua, @puntueus -ek prestaturiko app honetatik play.google.com/store/apps/det… zabaldu app-a lagunen artean, eta horrela jakingo dugu denon ze modelo euskaratu daitezkeen
Jordi @joxe | 2018-05-18 16:40
@luistxo @txerren @probatxoa @puntueus Oh, iritsi da ordua saiakera artesanal honi erretiroa emateko, beraz... #aguretaohore teknopata.eus/telefonoaeuska…
-
Luistxo Fernandez @luistxo | 2018-05-18 12:54
@zigoraldama igual interesatzen zaizu hau lehenhitza.eus/mugikorrak/ mugikor txinatarrak hainbestetan baloratzen dituzu eta... datu extra bitxi bat orain: jar daitezke euskaraz? ba begiratu Xiaomi eta Huawei konparatuz... pic.twitter.com/PeYinnreNn
Luistxo Fernandez @luistxo | 2018-05-18 12:55
eta Android mugikor berri bat probatzeko orduan, app honen bidez play.google.com/store/apps/det… jakin daiteke ea euskaragarria den ala ez.
Zigor Aldama 齐戈 @zigoraldama | 2018-05-18 14:29
@luistxo Huaweik Euskadin jada denbora pila darama. Xiaomi, aldiz, berria da. Uste dut gero eta telefono gehiago euskeraz erabiltzeko posibilidadea emongo dutela.
/cache/Udako-Ola-2024_1_small_content.jpeg)
Erantzun
Sartu