Sustatu logoa Teknologia albisteak

Medikuak esan dit esklerosi anizkoitza dudala

eibar.org
eibar.org
2018-04-29 10:38

Otsailaren 3an, larunbata, mendira joan nintzen korrika. Aldapan behera nindoala dena bikoiztuta ikusten hasi nintzen, geratzean ondo ikusten nuen berriz (...) eta Mendaroko ospitaleko larrialdietara joan nintzen. Eskaner bat egin zidaten eta oftalmologoak ikusi ninduen. Burua eta begiak ondo zeuden, baina proba gehiago egiteko ingresatu egin behar nindutela esan zidaten. Gehiegizkoa iruditu zitzaidan, gainerakoan zoragarri nengoelako. (...) Arratsaldean lagun neurologo bat etorri zitzaidan bisitan. Esplorazio azkar bat egin ostean esan zidan litekeena zela esklerosi anizkoitza izatea. Kronikoa, degeneratiboa edota sendaezina bezalako berbek zapla kolpatu ninduten. (...) Asko irakurri dut azken hilabete parean. Eta bada liburu bat bereziki iritsi zaidana: Joxe Aranzabalen Medikuak esan dit minbizia dudala. Bere sasoian irakurriko nuen Sustatun, baina ahaztua nuen Joxek transmititzen duen indar hori. (...) Mila aurpegiko gaixotasuna esaten diote esklerosi anizkoitzari, pertsona bakoitzean oso modu desberdinean agertzen delako. Ezin da jakin hurrengo erasoa noiz etorriko den eta zeri eragingo dion, edota etorriko denik. Auskalo. Ziurgabetasun horrekin bizitzea tokatuko zait. Baina, zuk badakizu hemendik bost urtera nola egongo zaren? Nik ere ez. Gainera, baldintzarik onenak ditut nire inguruan. Emazte zoragarri bat, bi alaba txiki bizi eta eder, maite nauten familia, koadrilako eta lagunak, eta akaso gehiago baloratu beharko genukeen osasun sistema publiko hau. 

Guztia irakurri (eibar.org) »»

Txioak (61)

Erantzunak kargatzen...

Jarraitu gaitzazu