Teknologia albisteak
1

Taxi hegalari eta autonomoak hasi dira testeatzen Dubain

Erabiltzailearen aurpegia
Sustatu.eus
2017-09-27 : 08:36

Ibilgailu autonomoen eremuan aurrerapausu handiak eman dira azkenaldi honetan. Oraingoan Dubaitik dator albistea: lehenengo ibilgailu autonomo hegalarien probak hasi dituzte. Oraindik proba fasean, baina dagoeneko errealitate; gutxi barru bidaiariak eramaten hasteko prest egongo dira. Gidaririk gabeko taxi hegalariak izango dira. Dubaiko agintariek euren garraio-sistema publikoan txertatuko omen dituzte, gainontzeko garraiobideen pare.

Volocopter izenez bataiatu dituzte ibilgailu berriak, eta helikopteroen, taxien eta dronen arteko zerbait dira. Bi bidaiari garraitzeko gaitasuna izango dute, gidaririk gabe. 30 minutuko autonomia daukate eta 100 km/h-ko abiadura hartu dezakete. Dubai barruko hegaldi laburretarako daude pentsatuta. Ibilgailuak, nola ez, elektrikoak dira.

Alemaniako enpresa batek diseinatzen eta komertzializatzen ditu Volocopterrak. Oraindik ere probetan ari dira, baina dagoeneko egin dituzte aurreneko benetako hegaldiak. Aste honetan izan da, Dubain. Dubaiko agintariek azaldu dutenez, oraindik urte batzuk beharko dira garraio mota hau erabat testeatu eta hiritarrei eskaintzeko, baina epe labur-ertainera euren garraio-sistema publiko barruan ikusiko ditugu ibilgailu hegalari autonomoak.

Ibilgailu hauetariko bat erabiltzeko APP bat deskargatu beharko dute bidaiariek. Bertatik kudeatuko dira eskaerak, ibilbideak, itxarote-denborak, eta abar. Gutxi gora-behera gaur egun Uberrek egiten duen bezalatsu.   

Dubaiko honen antzerako ekimenak ugaritu egingo dira datozen hilabeteotan. Izan ere, erronka moduko bat dago munduko hiri eta konpainien artean, lehenengo ibilgailu autonomo eta hegalaria martxan jartzeko. Beste hiri batzuk ere sartu dira norgehiagoka horretan, eta zer esanik ez konpainiak. Volocopter alemaniarrarekin batera, beste hainbat konpainia handi ere bide berean daude, hala nola Airbus (2020rako prest izango omen dute euren taxi hegalari eta autonomoa), Google (Kitty Hawk proiektuaren bidez), edota Uber bera, ibilgailu hegalarien munduan ere euren tokia hartu nahian dabilena.

Laster ikusiko ditugu horrelako ibilgailuak munduko hiririk handienetan. Guztietan ere ezaugarri berberak: autonomoa + elektrikoa + hegalaria. 

Erantzunak

Besoin de planifier des opérations esthétiques de liposuccion, cryolipolise, injection Botox, injection acide hyaluronique, lifting faces internes jambes, lifting cuisses, liposucion genoux, liposuccion abdomen, liposuccion fesses, brachioplastie et d'autres opérations simples ou invasives alors demandez devis gratuit sans engagements. Tous les jours disponibles des experts sont prêts à répondre à toutes vos questions concernant la chirurgie esthétique en Tunisie. Visitez le site http://www.docteur-hichem-mahmoud.com/liposuccion/

Erantzun

Twitter ikonoa  Facebook ikonoa  Sartu