25 euro autobideengatik Gipuzkoan
Gipuzkoarrek 25 euro ordainduko dituzte gehienez AP-8 eta AP-1 autobideak erabiltzeagatik, Batzar Nagusiek astearte honetan aho batez proposamena onartu ostean. Neurria abenduaren 1ean sartuko da indarrean. Neurriaren onura 15.000 gidarik nabarituko dute hilabete guztietan, baina 28.000 izango dira urtean zehar hilabeteren batean etekina aterako dietenak.
Txioak (12) | 4 Erantzun
-
Luistxo Fernandez @luistxo | 2012-11-13 16:20
Amaitu da A8ko sigisaga!!! http://t.co/h3o6E7V5 Abenduan hasiko da 25 euroko topea! http://t.co/4s55itqu
Josu Mendicute @jmendicute | 2012-11-13 16:37
@luistxo "Bilduko Udalak bultzatutako neurria". Zein udalerri ote da hori!? @eitbcomberriak
-
Erantzunak
Arrazoia duzu, Eneko. Merketuta ere, Gipuzkoako beste autobideak (Goierrikoak adibidez) finantzatzen segitzen dugunak gu izango gara, Deba Arrokoak. Hala ere, gaur egunkari batek iradokitzen du hor aldaketak egon daitezkeela, akaso N-1 eta A-15 (Leitzarangoa) bidesarikoak bihurtu dituztela Bilduk, Aralarrek eta PPk akordioa lortzen badute.
Ez dakit egia ote den. Artikulu nahasia da, eta autobide batzuk paketetik kanpo geratzen dira berriro (Beasaindik Bergararakoa, adibidez).
Bestalde, gaizki pentsatzen jarrita, 25 euroen tope hau, abenduan zergatik? Urte berriarekin beti igotzen dituzte autopistaren prezioak eta bururatu zait ea ez ote duten abendura aurreratu 25 euroena berehala urtarrilean 27ra igotzeko...
gora lurraldetasuna, bai. Euskal Erdian ere ez gara bai ikuspegi "nazional" bat lortzeko. hurrengo batean Lea Artibaiko errepide sarea kudeatu dezakegu, eskualdeko biztanleentzat beherapen bereziak eginda. edota errauskailu bat egin Bilbo aldean, Arratiako zaborra erreko ez duena, Gipuzkoakoa erre dezan planteatzen ez den bezala. burutik gaude.
lurraldebus vs bizkaibus
bidegi vs interbiak
aurrean doan herri koadrila
Bueno, jakin dugu lehena: topea ez dira 25 euro baizik eta 25,64 euro. Zentimoak justifikatzeko egongo da zerbait. Eta baietz urtea amaitzean berriz garestitu. http://www.gipuzkoaberri.net/WAS/CORP/DPDOficinaPrensaDigitalWEB/nota/eu/437/gipuzkoako-autobideetako-2564-euroko-gehieneko-tarifa-bihar-jarriko-da-martxan-diskriminazio-historikoa-amaitzeko
Ez dakit egokia den artikuluaren izenburua. Gipuzkoan A-1 autobidean (http://eu.wikipedia.org/wiki/A-1) A-15 autobidean (http://eu.wikipedia.org/wiki/A-15), GI-632 autobidean (http://eu.wikipedia.org/wiki/GI-632) edo GI-131 autobidean ibiltzea doakoa da. Horietan ez da zertan 25 euro ordaindu behar, merkeago orain, baina betikoetan bakarrik ;-)