Gaur goizean zehar Euskarabildua jardunaldia izango da Donostiako Koldo Mitxelenan. Euskara eta Internet hizpide izango dituzten jardunaldi hauek Argiak, Iametza Interaktiboak eta Ametzagaiñak antolatu dituzte elkarlanean. Lehenengo edizio honen izenburua ondorengoa izango da “Euskarabildua, aukera berriak sarean”. Jardunaldia goizeko 09:00etatik 14:00etara izango da eta zuzenean jarraitu ahal izango da KMKren streamingaren bidez eta baita Twitterren ere, #euskarabildua etiketaren bidez.
Euskararentzat eta gainontzeko hizkuntza gutxituentzat sareak eskaintzen dituen aukera berriak aztertuko dituzte zenbait adituk, besteak beste, Davyth Hicksek (Eurolang), Albert Cuestak (Twitter en català), Egoitz Goikoetxeak (Euskal SEO) eta Lander Arbelaitzek (ARGIA.com, Twitter Euskaraz).
Sustatun ere eman genuen jardunaldi honen berri. Albiste horretan duzu informazio gehigarria.
Erantzun
Sartu