Teknologia albisteak

Android euskaratzeko plataforma

Erabiltzailearen aurpegia
2012-09-25 : 19:10

Android euskaratzea aspalditik pentsatu eta saiatua izan den ekimenez betea izan da. Hortxe dugu adibidez etxekoandroid. Hala ere, ekimen hau bertan behera gelditu zen eta nahiz eta zenbait mugikor konpainiek beraien bertsio propioa euskaratu (Samsung SIII adibidez), ez dago denentzako eskuragarri egon daitekeen itzulpenik. Mugikor konpainia hauek gainera, ez dituzte itzulpenak guztion eskuragarri jarri. Hau horrela, android azken bertsioa Jelly Bean 4.1.1 itzuli eta google errepositorioan sartzeko plataforma bat jarri da martxan.

Beraz, androideuskaraz web gunearen bitartez, lagun talde bat itzulpenekin hasi da. Helburua, web gunean esaten den bezala, <<konpainia ezberdinek beraien Android bertsioak euskaraz jarri ahal izateko aukera eta bete beharra bete dezaten eskatuko dugu>>. Epe ertainera, lehenengo itzulpen fitxategiak guztion eskura jartzea aurreikusten da eta aldi berean, ROM (software bertsio ez ofizialak) bertsioak ere plazaratuko dituzte nahi duenak probak egin edota mugikorra euskaratu dezan.

Gerora, google errepositorio ofizialetan txertatu nahi da kodea. Gauzak horrela mugikor konpainiek ez dute aitzakiarik izango beraien mugikorretan euskara guztion eskura jarri ahal izateko.

Gauzak ondo, beste ekimen berri gehiago ere bideratuko dira. Ea ba hemendik zerbait polita irtenten den!

Erantzun

Twitter ikonoa  Facebook ikonoa  Sartu