Teknologia albisteak
6

Non dago #WhatsappEuskaraz?

Erabiltzailearen aurpegia
2012-08-21 : 16:56

Dagoeneko jakingo duzuen bezala, android eta beste hainbat plataforma euskarara itzultzeko #WhatsappEuskaraz kanpaina abiatu genuen. Baita gogotsu hasi ere! Izan ere Android plataformarako guztiz itzulia izatea lortu genuen. Baina non geratu da orduan aplikazioaren itzulpena?

 

Nork ez du Whatsapp-eko edota Android SEaren konfigurazioa goitik behera begiratu aplikazioa euskaraz jarri ahal izateko? Bada, ez gehiago saiatu. Ezin baita horrela behintzat euskaraz jarri.

Azalpena

Androiderako garaturiko aplikazioak hizkuntza bat baino gehiagotan egon ahal izateko bi aukera daude:

1) Aplikazioa berak aukera emanez. Hizkuntza aldaketa gauzatu ahal izateko mekanismo eta aukera guztiak aplikazioak berak ditu. Adibidea: Gure ZARAUTZapp. (Gure kasuan hau ez da betetzen)

2) Erabiltzen ari garen hizkuntzaren informazioa sistema eragiletik hartuz (Android konfiguraziotik). Hau da, segun eta zein hizkuntzatan duzun Android, horrela izango dituzu aplikazio hauek baldin eta hizkuntza horretara itzuliak badaude. Gainontzean, defektuz, ingelesez aurkituko dituzu. (Gure kasuan itzulpena egina dago, baina zenbait Androidek ez du Euskara hautatzeko aukerarik ematen).

A ze marka!!!

BETA konponbidea

Hurrengo pausuak jarraituz, erdibideko konponbide bat aurkituko dugu. Baina, ez da azken emaitza izango!! Goian azaldu dudan bezala, zuen Android sisteman euskara whatsapp-ean besterik existitzen ez denez, gainerako guztia defektuz ingelesez agertuko zaizuelako. Proba egin nahi duenak, jarraitu irakurtzen:

1) Custom Locale aplikazioa deskargatu.

2) Aplikazioa ireki eta Custom atalera joan. Bertan, "Add custom locale" deritzon botoia zapaldu.

3) Agertzen den formularioan, "eu" idatzi hizkuntzaren eremuan. Eta "Add" zapaldu.

4) Sortu berri duzun konfigurazioa zapaldu eta ondoren, pantailaren eskuin aldean agertzen den ✓ botoitxoa zapaldu.

5) Goian, informazioa agertzen den zatian Current Language Basque duzula ikusten baduzu, LORTU DUZU!! Erraza ezta?

6) Whatsapp Euskaraz gozatu eta ERABILI!!

Konfigurazio lehenetsia

Atzera berriz lehengo konfigurazioa ezartzeko:

1) Aplikazioa ireki eta Default atalean es_ES aukera zapaldu.

2) Pantailaren eskuin aldean agertzen den ✓ botoitxoa zapaldu.

 

HURRENGO URRATSA: #AndroidEuskaraz

Erantzunak

2012-08-21 : 17:05

Edozein modutan honek "pega" bat du, euskaraz ez dauden beste aplikazioak ingelesez agertzen dira :S

Gutxienez nabigatzaileetan bezala hizkuntza hobespenak ordenatzea balego...

2012-08-21 : 18:01

Nire ezustekorako aplikazio bat jadanik euskaraz dagoela ohartu naiz. Berezko izena My tracks da, baina "Nire ibilbideak" bezala aurki dezakezue.

2012-08-21 : 23:19

Euskara ez dago Android sistema eragilearen oinarrizko banaketan, dena den etxe integratzaile batzuk (Samsung edo Sony) euskara integratzen ari dira beraien telefonoetan datozen sistema eragileetan. Hori horrela izanik, Custom Locale aplikazioaren lana sistemako hobespenetan egingo litzateke, dena den @erralin -ek aipatzen duen portaera mantentzen da aplikazio bakoitzak bere itzulpen kate bilduma mantentzen bait du.

2012-08-22 : 10:42

Nik horrela daukat nire Android telefonoa eta Opera nabigatzailea eta Facebooka euskaraz ere badaude.

2012-08-22 : 14:10

Euskaraz erabil daitezkeen aplikazio gehiago:

* Barra-kode eskanerra (Barcode Scanner):
https://play.google.com/store/apps/details?id=com.google.zxing.client.android

* Connecbot:
Secure Shell (SSH) bezeroa
Play storeko apk ez dago euskaratuta, google codekoak bai ordea:
http://connectbot.googlecode.com/files/ConnectBot-git-master-2011-12-19_18-30-54.apk
Tabletetarako:
http://connectbot.googlecode.com/files/ConnectBot-git-tablet-2011-12-19_18-30-54.apk

* F-Droid
Software libreko aplikazioen biltegia
http://f-droid.org/FDroid.apk

* Mixare (MIX Augmented Reality Engine)
Errealitate hedatuko aplikazioa. Wikipedia, Twitter eta OpenStreetMapeko
datuak erabiltzen ditu gure inguruan dauden puntu interesgarrien berri
emateko.
https://play.google.com/store/apps/details?id=org.mixare

* SSH tunnel
SSH tunelak sortzeko aplikazioa.
https://play.google.com/store/apps/details?id=org.sshtunnel

* Terminal emulatzailea (Terminal emulator)
https://play.google.com/store/apps/details?id=jackpal.androidterm

Aplikazio hauek nik euskaratu ditut. Software librea dira eta horrek asko errazten du itzulpen prozesua.

Kasu gehienetan, jatorrizko testu-kateak dituen xml fitxategia eskuratu behar da aplikazioaren kode-biltegitik. res/values/strings.xml izan ohi da fitxategi hori.
Adibidez, Barra-kode eskanerraren jatorrizko xml fitxategia hau da:
http://code.google.com/p/zxing/source/browse/trunk/android/res/values/strings.xml

Ondoren, fitxategi horretako testu-kateak itzuli behar dira eta garatzaileari bidali e-postaz, euskararen kodea eu dela adieraztea komeni delarik. Erantzuna oso ona izan ohi da eta beren aplikazioa euskaratzeagatik eskerrak eman ondoren kode biltegian txertatzen dute res/values-eu/strings.xml moduan. Adibidez, Barra-kode eskanerraren euskarazko xml fitxategia hau da:
http://code.google.com/p/zxing/source/browse/trunk/android/res/values-eu/strings.xml

Aplikazioaren hurrengo bertsioa argitaratzen denean gure itzulpena erabilgarri egongo da.

Beste kasu batzuetan aplikazioren garatzaileek pootle zerbitzari bat daukate aplikazioaren itzulpenak errazteko. Adibidez, hau da F-Droid aplikazioaren kasua:
http://f-droid.org/translate/

Beste aplikazio batzuk Launchpad plataforma erabiltzen dute, adibidez, ConnectBot-ek:
https://translations.launchpad.net/connectbot/trunk/+pots/fortune/eu/

2012-08-22 : 14:13

Oso pista ona @urtzai eta esaten dituzuen aplikazio horiez gain euskaratuta agertzen zait baita ere Apalabrados-en interfazea (euskaraz Angry Words deritzo itxura batean). Custom Locale hau aurkikuntza bat da. Larreategik dioen moduan beste aplikazioak (eta sistemaren kudeaketa orokorra) ingelesez azaltzen dira, baina to me five, bata besteagatik, nahiago 'eu' jarrita Custom Locale-rekin.

Helbide erraz bat sortu du ingurukoei instrukzio hauen berri emateko: http://bit.ly/guasapa

Erantzun

Twitter ikonoa  Facebook ikonoa  Sartu