Loraldiak bigarren urtez burutuko du Udako Ola Lekeition, gazteei zuzendutako sormen egonaldia
Loraldiak, Gaztea ekimenaren baitan, Udako Olaren bigarren edizioa burutuko du uztailaren 10a eta 15a bitartean Lekeition. Udako Ola gazte-sormena bizteko egonaldia da. Sei eguneko sormen egonaldia 18 eta 29 urte bitarteko gazteei zuzenduta dago eta sortzaile profesionalen eskutik ikastaro trinkoak jasotzeko aukera eskainiko zaizkie. Sei egun horietan, egunero gai ezberdin bat jorratuko dute dagokion sortzailearekin.
Udako Ola transmisioa eta sormena lantzeko Loraldiak antolatu dituen 6 eguneko egonaldi kulturala da. Bigarrenez burutuko da aurten eta Lekeition egingo da berriro ere, uztailaren 10etik 15era. 18-29 urte bitarteko gazteei zuzenduta dago eta gehienez 15 lagunetako taldea osatuko da. Egonaldiak badauka lanketa egiteko tartea eta kultur ekintzez gozatzeko aukera paregabea baita ere.
Sei egunez gazteek Lekeitioko Trinkete Etxea Ostatuan izango dute aterpe eta formakuntza tailerrak eskainiko zaizkie egunero, arlo ezberdinak jorratuz.
Sortzaile profesionalek gidatuko dituzte saio hauek, besteak beste: Jon Maya (Kukai), JMartina, Mixel Etxekopar eta Jean Kristian Galtxetaburu, Oskar Alegria eta Uxue Alberdi. Lekeitioko Udalaren babesa jaso du Loraldiak ekimen hau aurrera eraman ahal izateko.
Profesionalek eskainiko dituzten saio hauetan gazteek aukera izango dute kultur-erreferenteak zuzenean ezagutzeko, transmisioa lantzeko eta bakoitzaren alor zehatzaren inguruko edukiak jasotzeko. Aldi berean, gazteek euren sormen batean lan egingo dute egonaldian zehar eta azken egunean Lekeitioko herriaren aurrean erakutsiko dute, Olatz Gorrotxategik zuzenduta.
Udako Olaren helburuak transmisioa lantzea, sormena sustatzea eta bide propioa egiteko sormen gune berri baten proposamena dira. Sormen egonaldi hauek egundoko aukera dira gure kultur garaikidean murgiltzeko.
Izen emate epea zabalik
Udako Olan izena emateko epea zabalik dago dagoeneko. Ez dugu esperientziarik eskatzen, deskubritzeko gogoa baino ez. Edozein gaztek har dezake parte. Udako giroan, herri liluragarri batean eta lehen mailako sortzaileen eskutik eskura.
Izena emateko: https://www.loraldia.eus/gaztea/udako-ola
Erantzun
Sartu