Teknologia albisteak
1

Pornoa desmitifikatzen

Erabiltzailearen aurpegia
2013-04-02 : 21:15

Zer gertatzen da etxean gurasoek ez dutenean sexuaz hitz egin nahi eta eskolak beldur direnean sexuaz berba egiteko ikasleekin? Gertatzen da askorentzat pornoa bihurtzen dela sexurako ikasbide ia bakarra. Baina pornoak oso patroi jakinak eta aldebakarrekoak erakusten ditu, begi-bistakoa baita pornoaren industria gizonek eta gizonentzat sortua dela. Hori dela-eta, Cindy Gallop marketin exekutiboak webgune bat sortu du, Make love, not porn, bertan desmitifikatzeko pornoak eskaintzen dituen estereotipoak.

Kontu hau 2009an hasi zen, Cindy Gallopek aurkezpen bat egin zuenean TED konferentzietan,garai hartan aurkezpenik ikusienetako bat. Bertan Cindy Gallopek artikulu honen sarrerako ideiak azaldu zituen, eta Make love, not porn webgunea aurkeztu. Honek banan-banan desegiten ditu pornoak zabaltzen dituen usteak. Adibidez.

Isurketa

Pornoak sinetsarazi nahi digu gizonei izugarri gustatzen zaiela isurtzea emakumeen aurpegietan, eta emakumeek ere gozatu egiten dutela horrelakoetan. Errealitatean, berriz, gizon batzuei gustatzen zaie hori egitea, eta beste batzuei, ez. Emakumeek ere, batzuek gustuko dute hori, eta beste batzuek, ez. Aukera pertsonala da.

Ilea

Pornoak ikusarazi nahi digu emakumeek nahiago dutela ilerik ez eduki alu inguruan. Errealitatean, ostera, zenbait emakumek moztu egiten dute beheko ilea, baina beste zenbaitek, ez. Eta gizon askok nahiago dute emakumeak mozten ez badu beheko ilea. Gainera, beheko ilea moztuz gero, horrek etengabe moztea eskatzen du. Alegia, buruhauste galanta.

Orgasmoa

Pornoak konbentzitu nahi gaitu emakumeek etengabeko orgasmoak izaten dituztela, nahiz eta jokoa klitorisetik urrun jokatu. Errealitatean baina, zelanbaiteko presio errimikoa izan behar da klitorisean emakumeak orgasmoa izan dezan. Presiogilea izan daiteke pubiseko hezurra, mingaina, atzamarrak edo beste zerbait, baina hortxe.

Sexu anala

Pornoak egiatzat ematen du emakume guztiei gustatzen zaiela sexu anala. Baina errealitatean, emakume askori ez zaie bat ere gustatzen horrelakorik, nahiz eta batzuei bai. Berdin gertatzen da gizonekin: batzuei gustatzen zaie, eta beste askori ez.

Jarrerak

Porno bideoetan bakarrik protagonisten genitalek ukitzen dute elkar, kamerak horixe eskatzen duelako, akzioa ondo ikus dadin. Errealitatean, aitzitik, txortaldia askoz gozagarria da gorputz biak (edo direnak direla) elkarri besarkatuta daudenean.

Webguneak gai horiek eta beste asko jorratzen ditu, zentzu handiz. Merezi du bisitak.

Erantzunak

2013-04-03 : 19:23

Emakume bati hazia ahoan botata ohikoena ez da berak irripar egin eta isurkinarekin gargarak egitea. Ez nuen idearik ere. http://sustatu.com/joxearanzabal/1364922902

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago