Teknologia albisteak

Euskal Wikilarien Kultur Elkarteak administraria bilatzen du proiektu batean lan egiteko

Euskarazko Wikipedia

2017-06-05 : 09:57

Euskal Wikilarien Kultur Elkarteak administrari eta idazkaritza lana egingo duen pertsona bat bilatzen du laster hasiko den proiektu batean lan egiteko. Langilearen eginkizunen artean egongo dira: langileen nominak kudeatzea, egon daitezkeen beka ezberdinen prozesua aurrera eramatea, kontabilitate lanak zein instituzio ezberdinentzat kudeaketa txostenak idaztea. Hitzarmenen erredakzioa eta hitzarmenek egin beharreko tramitazioak ezagutzea. Proiektu honetan nazioarteko lanketa ere egingo da, Wikimedia Foundationekin eta abarrekin kontaktua eginez. Gainontzeko langileen agenda eta kontaktuak kudeatuko ditu, esparru zabal batekin, enpresa zein boluntarioekin lan eginez.

Bi urte eta erdiko proiektuan lan egiteko pertsona bat bilatzen dugu, laster hasita. Astelehenetik ostiralera goizez egingo luke lan, asteko bi egunez arratsaldez ere lan egiteko aukerarekin. 40.000€ko soldata gordina urtean.

Baldintzak

Zer eskatzen dugu?

Ekonomia edo enpresa kudeaketa gradua edo administrari/idazkari arloekin lotutako goi mailako Lanbide Heziketa edo esperientzia demostragarria antzeko lanpostuetan.
Hizkuntzak: EGA titulu edo baliokideaz eta gaztelaniaz gain, ingelesa (C1); frantsesa baloratuko da. Lanpostu honetan euskaraz lan egingo da. Administrazioaren funtzionamenduaren ezagutza izatea.

Zer baloratuko dugu?

Jakintza librea, software librea edo eduki libreen inguruko ezagutza.
Komunikatzeko eta idazteko erraztasuna.
Pertsona aktiboa eta erresolutiboa izatea

Laburpena

Lekua: Donostia Gipuzkoa
Enpresa: Euskal Wikilarien Kultur Elkartea
Lan mota: Jardunaldi osoa
Soldata: 40.000€ gordin

Hautaketa prozesuaren jarraibideak

Lan eskaintza honi erantzuteko epea ekainaren 18an bukatuko da. Bidali zure curriculuma wikilariak@gmail.com helbidera, gai bezala "Lan eskaintza" izenburua jarrita.