Sitcoms ezagunetako pisuen planoen egilea

Telebistako leihotik beste batzuen etxeak ikusten ditugu, barnetik. Zenbait denboraldi ikusi ondoan, etxeko sala bezain ezagun egiten zaizkigu serietako pertsonaien egongelak, sukaldeak eta gainerakoak… Iñaki Aliste Lizarralde barne-diseinatzailea da, eta denbora-pasa gisa, hainbat serie ezagunetako pertsonaien etxeen planoak egiten ditu. Sherlock, Sex and the City, Friends, The Big Bang Theory, The Simpsons, Two and a Half Men eta abarreko serietan agertzen diren etxe nagusien planoak diseinatu ditu. Bere webgunean jartzen ditu denak. Duela zenbait hilabete New York Times-ek elkarrizketa egin zion azpeitiar honi.