Teknologia albisteak

Leioa: 8.000 euskaldunen habia.

elhuyaraholkularitza

2013-07-10 : 10:25

Euskararen erabilera eta transmisoa Leioan mahai-ingurua egin genuen joan den ekainaren 12an Leioan. Idoia Aldekoa Elhuyar Aholkularitzako teknikariak gidatuta, euskara garatzeko eta sustatzeko gakoen inguruan jardun zuten Eduardo Apodakak (EHUko irakaslea), Itziar Idiazabalek (Unesco katedraren koordinatzailea), Xabier Payak (bertsolaria) eta Jon Sarasuak (Mondragon Unibertsitateko irakaslea). Bideo batean laburtu dugu mahai-inguru honetan atera ziren ondorio nagusiak.

Besteak beste, honako galdera hauei erantzun zieten mahai-inguruko gonbidatuek:

Leioan lau lagunetik batek daki euskaraz. Zer aukera du euskarak ezaugarri horiek dituen ingurune batean garatzeko?
Kalean entzuten diren 100 elkarrizketatik 4 dira euskaraz. Zer egin behar dugu gehiago izan daitezen?
Zer ematen dio euskarak Leioako gazteari?
Etxeen % 4,7n egiten da euskaraz. % 5,3n euskara eta gaztelania ez diren beste hizkuntza batzuk egiten dira. Ume gutxik daki euskaraz eskolara joaten direnean. Zer ondorio ditu horrek?

Bestalde, bideo osoa ikusi nahi duenak eskuragarri dauka hemen.