Enpresak eta nazioarteratzea: Nola kudeatu hizkuntza-aniztasuna? jardunaldia antolatu du Elhuyarrek

Hizkuntza ugari hitz egiten dituzte bezeroek, hornitzaileek eta langileek. Langune-Euskal Herriko Hizkuntza Industrien Elkarteak egindako azken azterketak erakutsi duenez, hizkuntzak egoki kudeatzeak negozio-aukerak irekitzen dizkie enpresei. Horretaz jabeturik, duela urtebete proiektu pilotu bat jarri zuen abian Elhuyar Taldeak Elay eta Tecnalia enpresekin elkarlanean. Zer behar, erronka eta arazo dituzte euskal enpresek ingurune eleanitzetan? Galdera horiei erantzuteko lan egin dugu eta, orain, egindako lana gizarteratzeko jardunaldia da hau.

Hau guztiari buruz hitz egiteko, hizkuntza aniztasunaren kudeaketan diren adituak bilduko ditugu jardunaldi honetan. Besteak beste, hauek hartuko dute parte:  Stephen Hagen katedraduna eta Galesko Unibertsitateko errektoreordea (Newport). Europa mailako aditua. Europako enpesetan negozio-hizkuntzak nola erabiltzen diren aztertzen duten ELAN eta PIMLICO ikerketen egile nagusia. Fernando Alana, Langune-Euskal Herriko Hizkuntza Industrien Elkartearen kudeatzailea. Ciara O'Higgings, Tecnaliaren Garapen Korporatiboaren arduraduna eta Santi Agirregoikoa, Elay Taldeko zuzendari kudeatzailea.

Jardunaldi honetarako sarrera doako izango bada ere, izen-ematea beharrezkoa da.