Zuzeneko erretransmisio eta partidak Egunean Behin Berrogeialdiko Astean

Honelako ezaugarriak izango ditu datorren astekoak, martxoaren 30etik, astelehena, apirilaren 5era (6ra, zuzenekoa kontatuta):

• Egunero partida bat, betiko dinamikak berdin-berdin jarraituko du. Txapelketa egunerokoa izango da, ez astebetekoa. Hau da, sailkapena egunero berrituko da.
• Asteartetik aurrera zuzeneko partida bat jokatuko dugu 19:00etan, bertara sailkatu diren 150 lagunekin. Youtubez emango dugu eta bertatik ikusiko da. 15-30 minutu iraungo du zuzeneko bakoitzak, uste dugunez. Jokalari muga, hasteko, 150 inguru. Ikusle muga: ez dago.
• Aplikazioko partidak izango dira astelehenetik igandera, eta zuzeneko emankizunak asteartetik (martxoak 31) hurrengo astelehenera (apirilak 7).
• Nor sailkatuko da zuzeneko horretara? Bezperako 50 onenak eta zozketa bidez egokitutako 100 pertsona (bezperan jokatu dutenen artean zozketatuko ditugu 100 plaza hauek).

• Jakinarazpena bidaliko diegu zuzenekora sailkatu direnei zuzeneko bakoitza den egunean, goizean. Jokalari horiek, 19.00etan konektatzen direnean, Egunean Behin aplikazioaren lehen pantailan ikusiko dute zuzenekora sartzeko botoia.
• Zuzenekora behin sailkatu bazara, ezingo duzu berriz sailkatu: ahalik eta jende gehienari eman nahi diogu aukera zuzenekoan aritzeko.
• Zuzenekoa Youtube bidez jarraitu ahal izango duzue, Egunean Behin kanalean (harpidetu!). Erabiltzaile guztiei jakinarazpena bidaliko dizuegu finala baino minutu batzuk lehenago, Youtubera sartu zaitezen. 
• Hiru Damatxoko lagunak izango ditugu abentura honetan bidaide. Ikus-entzunezkoen sortzaile bikain hauek arduratuko dira emanaldiaren ikus-entzunezko osagaiez.

Hau guztia pixkat esperimentala izango da, eta enpeinu ausart samar honetan Hiru Damatxok, CodeSyntax-eko sistema arduradunek eta Laboral Kutxa babesleak jarritako ahalegina eskertu nahi dugu bereziki.