Plone lantzen: Beethjoven sprint-etik hurrengo Ploneconf-era
Edukia kudeatzeko sistema indartsu eta software librekoa da Plone, CodeSyntax edukia kudeatzeko premia duen erakunde eta enpresei gomendatzen dien softwareetako bat. Ikasturte berri honetan ere Ploneren nazioarteko komunitatean jardungo dugu, udazkenean Jyvaskylan (Finlandia) egingo den Ploneconf 2025 biltzarrera joanda. Eta uda aurretik, hain zuzen, Beethoven Sprint delakoan egon ginen, Bonn hirian (Alemania).
Hurrengo konferentziako ardatzetako bat izango da Plone 7 CMSaren hurrengo bertsio handia: Seven izena eman dioten proiektua. Hain zuzen ere, horixe izan zen Beethoven Sprint 2025 ebentuaren lanketa gai nagusia. Bertan egon ziren gure lankide Mikel Larreategi eta Ion Lizarazu programatzaileak, eta kronika hau ekarri ziguten bertatik.
Larreategiren iritziz, Seven "hasiera fasean egon arren, argi dago norabide garrantzitsu bat hartzen ari dela proiektua. Denborak esango du zein norabide eta erritmo hartzen duen, baina argi dago bide berriak irekitzen ari direla."
Plone bilkura hauei dagokionez, halakoetan parte hartzea komunitatearen parte izateko modu paregabea da, eta baita bertan ezagunago bihurtzeko ere. CodeSyntax software honekin konprometitua egotea inportantea da gure bezeroei zerbitzu ona ematen jarraitzeko. Sprintari dagokionez, dio Larreategik: "Gure aldetik, esperientzia oso positiboa izan da eta seguru gaude hurrengo batean ere bueltatuko garela."
Gogoan dugu noski 2023an Eibarren antolatu genuela Ploneconf nazioarteko biltzarra, eta hortaz urrian Finlandian, beste esperientzia positibo bat izatea espero dugu, gure lana ezagutarazteko, eta besteen ekarpenekin ikasteko
Erantzun
Sartu