Teknologia albisteak

Durangoko Azokako Kabi@n parte hartu nahi?

Erabiltzailearen aurpegia
2014-11-18 : 11:36
Durangoko Azokaren egitarau orokorraren barruan, aurten ere Kabi@ren ateak zabalduko dira abenduaren 5etik 8ra bitartean. Abenduaren 8ko egitaraua Ziurtagiriaren Elkarteari antolatzea egokitu zaio, Enpresarean proiektuaren bitartez. Ekitaldi ezberdinak izango dira bertan egunero eta abenduaren 8an, 11:00etatik 13:30ak arte, teknologia eta ikerketarekin harremana duten euskal enpresei irekia egongo da (proiektu berritzaileak aurkezteko, elkartzeko, praktika onak azaltzeko…).

Erronka bat proposatu nahi dizuegu: nola aberastu daitezke Durangoko azokaren inguruan dabilen euskal kulturaren unibertsoa eta bere zerbitzu eta produktuak, euskal enpresen teknologia eta berrikuntza erabiliz?

Bertan parte hartu nahi? Kulturgileentzako baliagarri izan daitekeen proiektu edo egitasmoren bat baduzu eta ezagutzera eman nahi izanez gero, hemen bertan eman dezakezue izena, galdetegi hau betez.

Kabia@ teknologia eta eduki libreen gunea da, eta helburua kultura digitalaren eremuan euskaraz diharduten eta aktiboak diren pertsonak biltzea da: sortzaileak, enpresak, web garatzaileak eta hezkuntza arlokoak.

Hemen duzue aurtengo Kabi@ko egitarauaren aurrerapena.

Erantzun

Twitter ikonoa  Facebook ikonoa  Sartu