Kubrick proiektua: filmografia oso bat euskaratua

Kubricken 5 film zeuden geure katalogoan iaz arte (pare bat Aranzabalek berak azpidatziak, besteak beste jatorri batzuetakoak), baina pandemia garaia aprobetxatu du Joxe Aranzabalek filmografiako 13ak osatzeko falta ziren 8 filmak euskaratzeko, eta baita aurreko bere lan pare hartan zuzenketa batzuk gehitzeko.

Honela geratu da, beraz, film zerrenda hori:

• Fear and Desire (1953)
• Killer’s Kiss (1955)
• The Killing (1956)
• Paths of Glory (1957)
• Spartacus (1960)
• Lolita (1962)
• Dr. Strangelove (1964)
• 2001: A Space Odissey (1968)
• A Clockwork Orange (1971)
• Barry Lyndon (1975)
• The Shining (1980)
• Full Metal Jacket (1987)
• Eyes Wide Shut (1999)

Blogean sarrera idatzi du Aranzabalek lantxo honen nondik norakoak azalduz."Stanley Kubrickek merezi du, sekulako arrastoa utzi du-eta mundu guztiko zineman, eta baita gure arteko askoren artean ere. (...) Zine-klubek ere ziklo oso bat antola dezakete, Stanley Kubricki eskainita, premisa horiekin: bertsio originalean, euskarazko azpidatziekin."

Hau ilustratzeko erabili duguna bertatik atera dugu, Goio Aranak prestatu duen kartela.

Eskerrik asko, Joxe.