Teknologia albisteak

“Blogetan!” lehiaketako finalisten zerrenda

Erabiltzailearen aurpegia
2019-03-26 : 12:15

Behin publikoaren bozketa amaituta, eta epaimahaiak bere erabakia deliberatu ostean, honatx Blogetan! lehiaketako lau kategorietan lehiatuko diren 12 proposamenak.

Bada, Kultura atalean ondoko hiru blog hauek arituko dira finalean: Ikusi makusi, zer ikusi?Hitz harrapakariak eta Xerezaderen artxiboa.

Gizartea eta politika kategorian, hauexek lehiatuko dira sari nagusia jasotzeko asmoz: MaitematikaKablegintza eta kablekariak eta 27 zapata.

AisianKontrakantxaApetitu on eta Begane izan dira aukeratuak, eta azkenik, Zientzia eta teknologiaren esparruan, NaturzaliaEatgirl vs Itgirl eta Laborategia dira finalistak.

Epaimahaia ondokoek osatu dute edizio honetan: Azkue Fundazioa, Argia, Zuzeu orainkari digitaleko Urko Uranga, Joxe Rojas eta June Fernandez.

Azken fasea martxoaren 26tik apirilaren 2ra bitartekoa izango da. Epe horretan epaimahaiak irabazleak hautatuko ditu, eta apirilaren 4an, Euskararen Etxean egingo den Blogak testutik harago izenburuko jardunaldiaren baitan iragarriko dira.

Sariak hauexek izango dira:  Bernat Vidal artistak Azkue Fundazioarentzat diseinatutako garaikurra, 200 eurotako diru-txeke bana lau kategorietako irabazleentzat eta sari berezi bat euskal blogari berrienarentzat, Argia komunikazio-proiektuan parte hartzeko aukera.

Erantzun

Twitter ikonoa  Facebook ikonoa  Sartu