Teknologia albisteak
Lurralde-antolakuntzak hizkuntza-komunitatean duen eragina aztertzeko MOOC ikastaroa
2014-05-27 : 16:28
Gipuzkoako Foru Aldundiak, UEUk eta ASMOZ Fundazioak Lurraldea eta Hizkuntza: oinarriak, erronkak eta praktikak Online Ikastaro Ireki Masiboa (MOOC) antolatu dute, UEMA eta Kontseiluarekin elkarlanean.
Pasa den urtarrilean antolatu zen Lurraldea eta Hizkuntza jardunaldian lurraldearen antolaketak hizkuntzei nola eragiten dien aztertu zen, eta gai horretan sakontzen jarraitzeko asmoz antolatu da ikastaroa.
Ikastaroaren helburuak hauek dira:
- Lurraldearen, hizkuntzaren eta hirigintzaren arteko harremanaz hausnartzea.
- Lurralde-antolakuntzako eta hirigintzako plan ofizialen hizkuntza-eraginaz hausnartzea.
- Lurralde mailako eraikuntza-proiektuen (etxebizitzak, ekipamenduak, azpiegiturak) hizkuntzaeraginaz hausnartzea.
- Eragin horren ondorioak aurreikusi eta lantzeko hurbilpen bat egitea.
- Unai Fernandez de Betoño
Arkitekto doktorea, UPV/EHUko irakaslea - Natxo Cubero
Zuzenbidean doktorea, UPV/EHUko irakaslea - Iñigo Urrutia
Zuzenbidean doktorea, UPV/EHUko irakaslea - Miren Segurola
UEMAko koordinatzailea
Ikastaroa ekainaren 2an hasiko da eta 10 ordutako iraupena izango du. MOOC (Massive Online Open Course) formatuan eskainiko da; guztiz online, irekia, doakoa eta praktikara bideratua. Izen ematea zabalik dago.
Hauxe da ikastaroaren webgunea: http://mooc.asmoz.org/
Erantzun
Sartu