Ni.eus zerbitzua tresna multzo berri zabal batekin hornitu dute
PuntuEus-ek antolatutako Ni.eus zerbitzuak funtzionalitate berriak ditu orain. "Posta soil bat izatetik, komunikazio pertsonalerako zein profesionalerako tresna multzo oso bat izatera igaro da", zabaldutako oharrean azpimarratu dutenez. Nextcloud teknologia ardatz hartuta, bertsio berriak bideo-deiak, ofimatikatresnak eta hodeiko biltegiratzea txertatu ditu Ni.eus-ek, orain dituen ia 8.000 erabiltzaile euskaldunentzat erabilgarri.
Lan-behar berrietara egokitzeko, bertsio berritua Nextcloud software libreko hodei-plataforman oinarritzen da. Honekin, lehengo egutegiari eta kontaktuen agendari funtzionalitate indartsuak gehitu zaizkio:
- Artxiboen kudeaketa: fitxategiak eta dokumentuak modu erraz zein seguruan biltegiratu, editatu eta partekatzeko aukera.
- Online ofimatika: formularioak, aplikazio ofimatikoak eta jakinarazpen-sistemak, ezer instalatu beharrik gabe.
- Komunikazioa denbora errealean: txat eta bideo-deiak, erabiltzaile, kolektibo eta erakundeen arteko lankidetza errazteko.
Berritze honekin batera, kontu-modalitate berriak argitaratu dira, eta ordainpeko plana ere bai (doakoarekin batera).
- Doako plana: zerbitzua doan erabiltzen jarraitzeko aukera mantentzen da.
- Plan aurreratua: funtzionalitate gehigarriekin eta domeinu propioa erabiltzeko aukerarekin. Urteko 36 euro orain.
Ni.eus garatu du Puntueusek Iametza enpreesarekin lankidetzan, eta proiektuak Azkue Fundazioaren babesa ere badu.
Erantzun
Sartu