Adimen Artifizialeko (AA) tresnen kontsumoan aldaketak

Hona hemen aldaketa nagusiak:

• Muga zorrotzagoak: Doako planek muga handiagoak dituzte eta errendimendu txikiagoa eskaintzen dute.
• Kostu handiagoa: Eredu berriek (adibidez, GPT 5.5) kreditu gehiago kontsumitzen dituzte. Horregatik, doako eskaerak oso azkar agortzen dira. Horrez gain, harpidetza planak (tarifa plana) desagertzen ari dira, eta badirudi kontsumitu ahala ordaintzea izango dela aurrerantzeko funtzionatzeko bidea.
• Zerbitzua gelditu egiten da: Kredituak agortzean, zerbitzua erabat gelditzen da. Esate baterako, Copiloten kasuan, ez dago eredu merkeagoekin lanean jarraitzeko aukerarik.
• Muga-murrizketak beste tresna batzuetan: Copiloten lehiakide batzuen kasuan (Claude, Cursor, Windsurf...) muga gogorragoak ezartzen ari dira. Googleren Gemini 3 Pro-ren prezioak igotzen ari dira.

Zergatik gertatzen da hau? Orain arte, enpresa hauek dirua galtzen zuten erabiltzaileak lortzeko eta nolabaiteko behar bat sortzeko. Orain, konputazio-kostuak oso altuak direnez, haientzat bideragarriagoak diren prezioak jartzen dituzte.

Sam Altman OpenAI (ChatGPT) enpresako buruak esan zuen duela gutxi: utility edo hornidura-zerbitzu baten eran funtzionatu dutela; hornikuntza oinarrizkoen zerbitzuetan bezala. Nola ura, gasa, argia edo konektibitatea hileroko kuota baten truke banatzen eta kobratzen duten, "adimena" ere horrela salduko zaigula.

Gainera, beste hornikuntza horiekin alderaketa, hurbiltasun handiena ez da konektibitatearekin (Internet zuntzezkoa edo 5G bat, giga kontsumo zabal batean finkatu samar dago etxe eta enpresa gehienetan) baizik eta energia elementuekin, non kontsumoa unitate zehatzetan neurtu daitekeen, kontadorearekin, kilowatioak argiaren kasuan, token direlakoak AAren kontsumoan.

Sortu dugun irudi horren bezalako zerbait ote dator?