Informatika Fakultateak 50. urteurrena ospatzen jarraitzen du
EHUko Informatika Fakultatearen 50. urteurreneko ekitaldiak aurrera darraite. Martxoan hasi ziren eta ekitaldiren baten berri Sustatun ere eman dugu, baina ekitaldi interesgarri parea datoz orain apirilean, eta ekitaldi nagusian maiatzean egingo dutela iragarri dute.
Apirilean adimen artifiziala gaitzat izango duten bi ekitaldi izango dira:
AAren inguruko ikastaro baten harira apirilaren 24an, ekitaldi bikoitza, 8.30etatik 12.30ak arte Carlos Santamaria zentroko areto nagusian, fakultatea bera dagoen EHUren Donostiako Ibaetako kanpusean. Bi mahainguru hauek izango dira:
- Designing Technology for Good? Values, Innovation and Deployment (Teknologia ongintzarako diseinatzen? Balioak, berrikuntza eta hedapena): partaideak izango dira Judith Membrives i Llorens (Algorigths) eta Júlia Pareto Boada (Institut de Robòtica I Informàtica Industrial, CSIC-UPC).
- Goberning AI in an Uncertain World: Digital Sovereignty, Public AI and AI Gobernance (AA gobernatzea mundu ezegonkor batean: burujabetza digitala, AA publikoa eta AAren gobernantza). Partaideak izango dira Lucía Bosoer eta Marta Cantero Gamito (Florence School of Transnational Governance, EUI), eta Migle Laukyte (Universitat Pompeu Fabra).
Apirilaren 28an, berriz, Ada Lovelace aretoan (fakultatean bertan), 10.30etatik 12:00etara:
Informatika ez da izango niri kontatu didaten bezala:
- Antonio Ortiz Medina analista, aholkulari eta AA munduko dibulgatzaile espainiarrena hitzaldia gaztelaniaz. Error500 blogaren eta Monos estocásticos podkastaren egilea da Ortiz. Honetara joateko, izena eman behar da hemendik.
50. urteurrenaren ospakizun nagusiari dagokionez, Donostiako Kursaalen izango da maiatzakren 30ean (11:30 - 16:00). "Bertan, gure historia errepasatuko dugu, Amaran Informatika Zentro gisa hasi zenetik gaur egunera arte", iragarri dute antolatzaileek. Ekitaldi hau Fakultatetik hamarkada hauetan igaro diren pertsona guztiei irekia egongo da.
Informazio gehiago, hemen.
Erantzun
Sartu