Euskorpora garatzeko hitzarmena Jaurlaritzaren eta Espainiako Gobernuaren artean

Onartutako eta argitaratutako hitzarmenak helburu hau da: eremu digitalean euskararen presentzia areagotu, arreta berezia jarriz adimen artifizialean. Eta horretara begira, zerrendatzen diren ekintzen bildumatxo bat ekarri dugu hona (atal gehiago badituen arren hitzarmenak):

• Egungo eta etorkizuneko ekimenetan euskararen presentzia bermatzeko beharrezkoak diren jarduerak bultzatzea, hizkuntzaren teknologien alorrean.
• Corpus linguistikoen bilketaz eta kode irekiko euskarazko oinarrizko ereduen garapenaz balia daitezkeen sektore, aplikazio eta zerbitzu estrategikoak definitzea.
• Corpusak erabilgarri izan daitezen jarduerak bultzatze, hala nola anotazioa eta etiketatzea.
• Hizkuntza-corpusak biltzeko eta kode irekiko euskarazko oinarrizko ereduak garatzeko behar diren lege-mekanismoak aztertzea eta ezartzea, euskararen teknologia digitalak garatzeko interesa duten alderdi guztientzat eskuragarri egon daitezen.
• Euskarazko hizkuntza-corpusak biltzea, besteak beste helburu hauetarako: hizketaren prozesamendua, itzulpen automatikoa eta hizkuntza-modelizazioa.
• Hardware-azpiegitura abian jartzea; sortuko diren hizkuntza-corpusak biltegiratzeko eta ziurtatzeko, eta kode irekiko oinarrizko ereduak testeatzeko eta balioztatzeko.
• Landutakoen transferentzia bermatu enpresetara, gizartera eta Europako beste datu-plataformetara.