Errenta aitorpena euskaraz egin ahal izateko argibideak eman ditu UEMAk

Argibide orokor batzuk jarraian. Adibidez, autolikidazio proposamena jaso baduzu:

• Jasotako proposamena onartzerakoan, telefonoz zein internet bidez, euskaraz egin nahi duzula esan, eta aurrerantzean ogasunak agiriak euskaraz bidaliko dizkizu.

Aitorpen mekanizatua egitekotan:

• Hitzordua hartzerakoan, adieraz ezazu ogasunarekin harremanak euskaraz izan nahi dituzula.
• Horrela eskatuz gero, ogasunarekin harremana euskaraz izan dezakezu, bai aurrez aurre, eta bai telefonoz zein Internet bidez ere.
• Ogasunak sinatzeko ematen dizun orria ere euskaraz jaso dezakezu. 

Internet bidezkoa egin behar baduzu:

• Errenta programaren euskarazko bertsioa jaitsi Internetetik eta hobetsitako hizkuntza atalean euskara hautatu.
• Aholkularitzaren bat aukeratzen baduzu, berariaz adierazi beharko duzu aitorpena euskaraz egin nahi duzula.
• Beste modu batean egiten baduzu (finantza erakunde batean, esaterako), euskaraz egiteko eska dezakezu).

Informazio gehiago, hemen.