Euskal Wikilarion Topaketa, urtarrilaren 25ean
Euskal Wikilarien Kultura Elkarteak urtarrilaren 25erako topaketa antolatu du, gaur zortzi, datorren larunbatean izango da: Euskal Wikilarion Topaketa 2025. Eibarren izango da Markeskua jauregian (UEUren ikastetxe eta egoitzan), eta goiz eta arratsaldeko egitaraua izango du. Ez da bakarrik bazkideentzako, wikilari zaletu guztientzat baizik, izena eman daiteke hemen (behean).
Jardunaldia EWKE elkartearen batzarrarekin hasiko da, eta horretan bazkide ez direnek ere parte har dezakete baina botorik gabe noski. Baina kafe ostean, denentzako formakuntza / auto-formakuntza.
Ikastaroak antolatu dira gai hauen inguruan:
- Wikidata (hastapenak)
- Wikidata (aurreratua)
- OpenRefine, zelan igo datu asko Wikidatara
- Mapa erraz eta politak
- Inskcape, bektore-irudiak
Bazkaria ere izango da, eta haren ondoren, aurkezpen azkarren sorta bat ere:
- Txikipedian nabigatuz
- Wikimediaren gobernantza eta Wikimedia Europa
- 8000 emakume euskarazko wikipedian - Esti, Marta eta Marisa, Durangoko Wikiemakumeok
- Wiki guztiek izan beharreko 1.000 artikuluak -
- Wikikasi -
- Game Erauntsia eta bideojokoak Wikipedian
- Euskarazko Wikipedia sare sozialetan
- Ikusgela eta bere bideoak.
Eta horiekin paraleloan, editatoia, Euskal Herriko historia 100 objektutan egitasmoa indartzen joateko (artikulu hau ilustratzeko, egitasmo horren bista bat)
Animatu wikizaletuok! https://eu.wikipedia.org/wiki/Wikipedia:Euskal_Wikilarion_Topaketa_2025
Erantzun
Sartu