Tokikom-eko hedabideek TKM.eus Mastodon instantzia sortu dute
Tokikomek, 78 euskarazko toki komunikabide batzen dituen taldeak, TKM.eus Mastodon instantzia sortu du, bere hedabide eta kazetarien kontuekin hornituta. Bertan kontuak sortzeko aukera mugatua da, Tokikomeko hedabideek eta haietan diharduten norbanakoak baino ez dira onartuko; baina bertako jarduna jarraituko daiteke, zuzeneko jario orokor honetan, eta bertako edozein kontu jarraitu dezakezu zuk zeuk ere, Mastodoneko edo Fedibertsoko kontu bat baduzu.
Nola egin jarraipen hori?
Honela: Bertako kontua nola den apuntatu, TKM-eus-en bertan topatuko duzu edo hemen aipatu duten zerrendan; esate baterako, Euskalerria Irratia da @euskalerriairratia@tkm.eus; ba orduan hori bilatu zure Mastodon kontutik, eta emaitzetan agertuko zaizu honela, jarraitzeko moduan:
Ez baduzu Mastodon konturik, bi instantzia badaude euskaraz, Goazen Lagunok ekimenak aurkezten dizkigun honek.
Albiste honetako zerrendan "hedabide kontuak" aipatu dituzte, baina norbanako batzuek badituzte jada kontuak bertan, adibidez Iban Arantzabalek, Goienako Komunikabideetako zuzendariak. (Jarraitzeko, oroit gure pista, fijatu bere kontuan https://tkm.eus/@iarantzabal eta hortik beraz, bere kontua da @iarantzabal@tkm.eus; horixe da jarraitu behar duzun zure Mastodonetik.
Tokikomek atzo nabarmendu zuenez, "tkm.eus, Mastodon sareko zerbitzari guztiak bezalaxe, autokudeatua da. Algoritmoetatik eta Estatu Batuetako aberatsen eragin eremutik kanpo dago, eta horregatik soilik merezi du probatzea. Sare honen helburua benetan da erabiltzaileei komunikatzeko tresna bat eskaintzea, eta ez inoren poltsikoa edota eragin politikorako ahalmena handitzea."
Erantzun
Sartu